Адамзаттан артық
туған Пайғамбар
Дүниеде өмір сүру - еркіміз,
Таусылмайды тіршілікте дертіміз.
Сабыр сақтап, ізгілікке бастайтын,
Көркем мінез көбіміздің көркіміз.
Парасатпен теңдей ұстап ақылды,
Хақ жолына салды талай пақырды.
Адамзаттан артық туған Пайғамбар,
Үмбеттерін тура жолға шақырды.
Хадистері Пайғамбардың өнеге,
Білмегендер Алла ісіне сене ме?
Сезіміңді билеп алар әр ісі,
Имандылық нұрын құйып денеге.
Мақтасақ біз, Пайғамбарды мақтайық,
Дін Исламға кінә тағып жатпайық.
Орындамай Пайғамбардың уағызын,
Көп күнәға белшемізден батпайық.
121
Таңдаулы діни өлеңдер
Ақылыңмен мұны мүмін сарала,
Жаратқанға жеңіл-желпі қарама.
Алла берген аз өмірді қастерлеп,
Хақ жолына арнамасаң бола ма?
Бізге жеткен әл-Мисақтан бұл хабар,
Бір Аллаға серік қосып алмаңдар.
Мұсылманның мызғымайтын тірегі,
Үш нәрсе ғой: Алла, Құран, Пайғамбар.
«Үмбетім» - деп демі үзілген Пайғамбар.
Жазаланар діннен безіп тайғандар.
Күйкі тірлік - тіршілікке айланып,
Мәңгі-бақи өкініште қалмаңдар.
Адамзатта артық туған асыл жан,
Жамандықтан жақсылығын асырған.
Сенің ісің мінезің мен өнеге,
Пайғамбарым табыламын қасыңнан.
122
Достарыңызбен бөлісу: |
