16. Ойыншықты тап. Ойын бөлмеде өткізіледі. Бастар алдын-
да сіз өз бөлмеңіздің сызбасын сызуыңыз керек. Бұл оңай. Белгілі
бір масштабты таңдап алып (мысалы, 1:10), бөлменің қабырғаларын
сызыңыз, есік пен терезелерді белгілеңіз, содан кейін бөлмедегі зат-
тарды бейнелеңіз. Сызбаның шамаланған үлгісі 60-беттегі суретте
келтірілген. Бұл ойында сызбаны пайдалана отырып, жасырылған
затты тауып алу керек. Ересек адам мен бала кезекпен ойыншықты
жасырып, сызбаға белгілі бір белгі қояды. Бала бөлменің кез кел-
ген жерінде тұрып сызбаны пайдалануды үйренуі тиіс. Ол үшін,
алдымен, ол сызбаны бағытқа салып (оны есіктің кескіні есікке, ал
терезенің кескінін терезеге «қарап» тұратындай етіп қою), сосын
өзінің бөлменің қай жерінде орналасқанын анықтауы тиіс (мен мына
194 орындықта отырмын). Содан
кейін сызбада белгіленген зат-
ты бөлмеден тауып алу оңайға
соғады. Кейіннен ойынды басқа
бөлмеде, ас үйде өткізуге неме-
се 180 градусқа айналдырылған
сызбаны қолдануға болады.
