Ќазаќстан республикасыныњ білім жєне ѓылым министрлігі

Қазіргі кезеңде идеологиялық жұмыстағы басты нәрсе – барлық еңбекшілерді жоғары идеялық, еңбекке және қоғамдық шаруашылыққа иелік көзқарас рухында тәрбиелеу адамды жан-жақты, жарасымды етіп жетілдіру, рухани мәдениеттің шынайы байлығын жасау деп санайды.

Оқушылардың бойында гуманистік сезім қалыптастыруда гуманизм туралы көптеген әңгіме оқып немесе айта бергеннен гөрі мұғалім, тәрбиеші өзінің жеке басы өнегесі арқылы оқушыға гуманистік қарым-қатынас көрсеткені орынды.

Мәдениетті мінез-құлыққа тәрбиелеу - ұзақ уақытты керек ететін күрделі процесс. Оны берік қалыптастырып, баянды етуге тек мектептің, жанұяның күнделікті тәрбие жұмыстары арқылы ғана қол жеткізуге болады. Бұл істе мұғалімдердің, әсіресе, сынып жетекшісінің жеке басының үлгісі көп роль атқарады. Олар өзінің сырт бейнесімен, күнделікті мінез-құлқымен, басқа адамдарға қарым-қатынасымен үлкен тәрбиелік әсер етеді. Тәрбие технологиясы басқарылатын, қайта жаңғырылатын тәрбие процесін жобалауды көздей отырып, тәрбиенің негізгі мақсатын, міндеттерін шешуді қамтамасыз ететін, ғылыми тұрғыдан негізделген амал – тәсілдердің жүйелерін құрайды.