ЖҰМА
Бисмиллəһир – рахманир – рахим. Əл – хамду лиллəһи раббил – алəмин.Уас – салату
уəс – сəлəму алə сəйидинə Мұхаммəдин уə алə əлиһи уə сахбиһи əжмаин.
Я, Жаратқан Ием! Егер ұмытып кетіп немесе жаңылысып қателік жасасақ, бізді сол
əрекетіміз үшін жауапқа тартпа. Бізге көтере алмайтын жүк берме, рақымдылық танытып
біздің кемшіліктерімізді кеш. Мейіріміңді төк. Игілікті істерімізге жəрдем ет.
Я, Раббымыз! Біздің бойымызға Саған қарсы келіп, жаза бастыратын күнəларға
жуытпайтын қорқыныш сезімін ұялат. Сенің алдыңда осы сезіммен мойынсұнып, осы сезім
бізді Сенің жаннатыңа жетелесін. Сенің жолыңда ғылым – білім нəсіп ет, осы білімнің
арқасында қиыншылыққа тап келгенде беліміз қайыспасын.
Я, Жаббар Ием! Жанымыз кеудемізден шыққанға дейін бойдағы бар күш – қуатымызды
Сенің жолыңа арнайық. Бізден кейін келетін ұрпағымызға да осыны нəсіп ет.
Уа, мейірімділердің ең Мейірімдісі! Бізді азғындар мен залымдардың алдында үстем
ет!Бізге зұлымдық жасағандардан кегімізді қайтар, бойында мейірімі жоқ адамдарды
алдымызға кесе – көлденең шығарма. Бізге діни тұрғыдан қиыншылық берме. Өмір
сүрудегі жəне ілім үйренудегі негізгі мақсатымыз ешқашан бұ дүниелік нəрселер
болмасын!
Я, Жаратқан Ием! Бізді алдағандарды жəне алдамақ болғандарды, бізге тұзақ құрғандарды
жəне құрмақ болғандарды, дұшпандық еткендерді жəне дұшпандықты ойластырып
жатқандарды, арамдық ойлағандарды өзіңе тапсырдық.
Достарыңызбен бөлісу: 
