Екінші болма
жүктеу/скачать 2,78 Mb. Pdf көрінісі
|
Екінші болма 2
| Көмек сұра. Феррацци «консультативті кеңес» деп атайтын мамандар
тізбегін қалыптастыруды айтады. Екі-үш кенесші, өзіңнен тəжірибелі, өзіңнен білімді адамдардың кеңесі ешқашан артық етпейді. Бір қызық құбылыс бар, оны Трейси де атап өтеді: адам өзіне көмектескен адамнан гөрі өзі көмектескен адамды көбірек ұнатады. Өйткені сен біреуден көмек сұрасаң, ол бейсаналы түрде жаны семіріп, мерейі үстем болып қалады: өзін ықпалды, маңызды адам сезінеді. Сондықтан менторлардан көмек сұраудан қысылма. Мұныңмен өзіңе пайдалы, оларға жағымды əрекет жасадым деп санай бер. Мен Овчинниковқа барғанда, ол үшін бейтаныс адам едім. Əлі бизнесі де жоқ. Бірақ ол пікірлесуден қашқан жоқ, ойын жайып салды, кеңестерімен бөлісті. Бұл маған көп көмек берді. Табысты адамдардан өзгелер де үйренетін жағдай жаса. Жақында IFC- де (Əлемдік банктің бөлімшесі) корпоративтік басқару бойынша курстан өттік, үздіксіз өсу, тəуекелдерді басқару, стандартизация, т.б. маңызды нəрселерді үйретті. Жас компаниямыз, бірақ бізге стартап деңгейінен тезірек өтіп, басқарудың неғұрлым дамыған үлгілерін пайдалану керек болды. Сол сияқты, «Превосходный сервис» кітабының авторы Джон Шоулдың 53 семинары өтті. Оны біздің қызметкерлер жақсы біледі, өйткені көп үрдісті дəл осы кітап бойынша рельске қойғанбыз. Біздің командадан 16 адам, оның ішінде өзім де бармын, семинарды тыңдадық. Семинардан кейін, əрине өзіміздің палауды ұсындық. Ең тамашасы, Шоул «Тамаша сервис» деп баға беріп кетті. Бірақ осы семинардан біз əлі де өсе алатынымызды түсініп қайттық. Қысқасы, керек адамдармен танысып, олардан дəріс алу, үйрену – өсемін деген адамның міндеті. Соңғы кезде маған түрлі сұрақтармен келетін адамдар көбейді жəне байқағаным, жоғарыда айтқан ережелерді ғана емес, ең қарапайым дүниелерді ескермейді екенбіз. Кездесуге байланысты мына ойларыммен бөлісейін. жүктеу/скачать 2,78 Mb. Достарыңызбен бөлісу:
|