1946 жылдың 1 маусымында Қазақ Кеңестік Социалистік Республикасының Ғылым Академиясы салтанатты түрде ашылды. Оның ұйымдастырылуына Ұлы Отан соғысы жылдарында елге оралған В. Вернадский, Л. Берг, Л. Гумилев, Н. Мандельштам, В. Фесенков, Г. А. Тихов сияқты ұлы ғалымдар аз үлес қосқан жоқ. Оның ең алғашқы президенті болып, алғаш қазақ халқынан шыққан академик, еліміздің пайдалы қазбаларының жобалау картасын жасаған, геолог Қаныш Имантайұлы Сәтпаев болды.
Объекттің қысқаша тарихы
Ғылым Академиясының ғимараты 1957 жылы салынған, Шевченко көшесі 28-ші үйде орналасқан, ол тарих және сәулет ескерткіші болып табылады.
Үшбілікті композициядан тұрады: монумент, портал, оған жанасып жатқан корпустар. Басты білік бойынша бас корпусқа паралель көгалдандырылған сарқырама фонтандар (сәулетші Н. Рипинский және В. Толмачев) және Ш. Уәлиханов ескерткіші орнатылған (мүсінші К. Наурызбаев), шығыс жағында А. С. Пушкин ескерткіші орналасқан (мүсінші А. Бичугов) және «Зодиак белгісі» фонтаны (сәулетші В. Кацев, мүсінші В. Твердохлебов, А. Татаринов).
