Анализденетін иондарға енжар (индиферентгі) беті жақсы жетілген нашар еритін зат тасушы бола алады. Жиі иондық тасушылар ретінде силикагель, крахмал, алюминий оксиді, кварц, асбест, шыны ұнтақ, барий сульфаты қолданылады. Сондай-ақ жиі бейтарап тасушы ретінде сүзгі қағазды пайдаланады. Баска да бейтарап тасушылар, сондай-ак иониттер де пайдаланылады.
Хроматограмманы таза еріткішпен жуғанда колонкадағы анализденетін иондардың бөлінуі жаксарады, зоналар оқшауланып, ал шекаралары айқындала көрінеді. Осы косылыстардың ерігіштік көбейтіндісінің шамалары қанша бір-бірінен ерекшеленсе, тұнбалардың бөлінуі сонша жақсы болады. Тұнбалар колонканың барлық биіктігін бойлай, төменгі шегі айқын көрінетіндеей бірқалыпты таралады. Әрбір элемент түзетін зонаның биіктігі бойынша сандық анализ жасауға болады..