2-ТОҚСАН БОЙЫНША ЖИЫНТЫҚ БАҒАЛАУҒА АРНАЛҒАН ТАПСЫРМАЛАР
«Қазақ тілі » пәнінен 2-тоқсан бойынша жиынтық бағалау тапсырмалары
«Тәуелсіздік жылдарындағы Қазақстан. ЭКСПО-2017», «Адам құқығы мен бостандығы» бөлімдері бойынша
І нұсқа
Тыңдалым мен айтылым
Тапсырма
[10]
1. Мәтінді оқып, негізгі ойын анықтаңыз. Мақсатты аудитория мен көркемдегіш құралдардың қолданылуына сыни тұрғыдан өз көзқарасыңызды білдіріңіз. Пікіріңізді жан-жақты тұжырымдап, мысалдар арқылы дәлелдей сөйлеңіз.
2. Жұбыңызды мұқият тыңдаңыз. Оның мәтіні бойынша маңызды деп санайтын 2 сұрақ қойыңыз. Талқылауға белсенді қатысып, пікір білдіріңіз.
1-мәтін
«ЭКСПО-ға» келіңдер, қандастарым!
«Экспоға» келіңдер, қандастарым,
Тойдың тойға тілеңдер жалғасқанын!
Шақырады сендерді Қазақстан,
Ән кернеген әр күні таңғы аспанын!
Шақырады сендерді Ұлы Далаң,
Бақ дарыды, құт қонып бүгін оған.
Күтіп отыр сендерді құшақ жайып,
Жасыл желек жамылған тұнық алаң!
Қолын алып, сәлем бер дана Атаңа,
Алсын аппақ батасын бала-шаға.
Астананың аралап бар көшесін,
«Жәрмеңкені» ерінбей тамашала!
Сені күтіп тұр бүгін Дала мына,
Құт дарысын әр басқан қадамыңа!
Ару қыздар, шашыңды тарат келіп
Майда қоңыр Арқаның самалына!
Есілге кеп тұп-тұнық жу бетіңді,
Қалдыр аппақ айдынға суретіңді!
Ән мен жырға таңырқат бар әлемді,
Ұйықтамастан жалғап бір күнге түнді!
Қазағың бар даласы кең керілген,
Қуат алған жел менен Жерге Күннен...
Қоржыныңды қомпайтып кел, туыстар,
Өмір бойы бар жиған-тергеніңмен!
Тәуекелдің тосылмай мін кемесін,
Отансыз ел, білесің, мүлде жетім!
Ат байлары қазақтың – Қазақстан,
Жортып-жортып түбінде бір келетін!
Жоғалтпаған халықпыз өр мінезін,
Қонағына ұсынған төрдің өзін.
Сарыарқаның төсіне – Астанаға,
Ағылатын сенің де келді кезің!
Қалды алыста замандар желі басым,
Ел таныған салтың бар беріп асын.
«ЭКСПОның» тартылған кермесіне,
Бірінші боп байлансын сенің атың!
Берсін Есіл мәңгілік тұнық аға,
Куә болып сымбатың, сырыңа да...
Сендерменен көрікті Қазақстан,
Сендерменен айбатты Ұлы Дала!
(187 сөз)
Ауыт Мұқибек
2-мәтін
Достарыңызбен бөлісу: |
