ЖОЛДИНОВЖүсіпбек (1895. Қарағанды обл. Ульянов ауд. - ө.ж.б.) - ақын. 1916 жылғы
патшаның июнь жарлығына ілігіп, майданның қара жұмысына алынады. 1921 ж. Омбы қ-ндағы
жұмысшы жастардың кешкі мектебінде оқыған. Сол кездегі ойын-сауық үйірмелеріне қатысып,
тақпақ айтып, шағын қойылымдарда ойнайды. Ұзақ жылдар ауылда жүмыс істеген, ақындар
айтысына қатысқан. "Ойларым" ( 1966), "Өрендерге өнеге" (1969) атты жинақтары жарық көрген.
ЖОЛДЫБАЕВ Молдабай (1900. Алматы обл. Жамбыл ауд. Қарасай а. - 1973. сонда) - ақын.
Жасынан Жамбылға еліктеп, Жетісу ақындарынан тәлім алып, жыр жаттап, өлең шығарып,
шаршы топта көзге түскен. Өлеңдері ауд. газетте басылған. Қазақстанның 50 жылдығына арналған
респ. айтыста М.Байбатыровпен ("Қазақтың қазіргі халық поэзиясы", 1973), Жамбылдың 125
жылдық мерекесінде Ж.Жолдиновпен ("Жамбыл және қазіргі халық поэзиясы", 1975) айтысқа
түскен.
