Жасырын тыңдау. Деректердің көбісі компьютерлік желі
бойынша қорғалмаған пішімде (ашық мəтінмен) жіберіледі,
бұл желінің ақпарат жіберу жолына қатынай алатын қаскүнемге
жасырын тыңдауға немесе трафикті санауға мүмкіндік береді.
Компьютерлік желілерде жасырын тыңдауды қадағалау деп атай-
ды. Егер тұрақты шифрлауды қамтамасыз ететін қызметтерді
пайдаланбасақ, онда желі бойынша жіберілетін деректерді оқуға
қол жеткізіледі. Компьютерлік желілерде жасырын тыңдау үшін
дестелер снифферлері деген атауды пайдалануы мүмкін. Десте-
лер сниффері нақты домен арқылы жіберілетін барлық желілік
дестелерді ұстап қалатын қолданбалы бағдарлама болып та-
былады. Қазіргі уақытта снифферлер желіде толық заңдылық
негізінде жұмыс атқарады. Олар ақауларды диагностикалауға
жəне трафикті талдауға пайдаланылады. Бірақ кейбір желілік
қосымшалар деректерді мəтіндік пішімде (Telnet, FTP, SMTP,
POP3 жəне т.б.) жіберетін болғандықтан сниффердің көмегімен
пайдалы, кейде құпия ақпаратты (мысалы, пайдаланушының аты
жəне паролі) білуге болады.
