Байланысты: Қалыпты физиология(@kaz medical students)
Ішкі талдағыштың орталық бөлімі ми сыңарлары қыртысында
денесезу (соматосенсорлық) аймағы мен орбиталық аймақта орналасады.
Қыртыс нейрондарына келетін висцералдық серпіністер ағыны көптеген
вегетативтік шартты рефлекстерді қалыптастыруға мүмкіндік береді. Мұндай
рефлекстердің пайда болуына лимбиялық жүйеде тікелей ықпалын тигізеді.
Ішкі талдағыш қабылданған, ішкі ағзалар жағдайының өзгеруі тіпті санаға
жетпеген күнде, адамның көңіліне, хал-жағдайына және мінезіне зор ықпал
жасайды.
Ішкі
талдағыштың орталық (милық) бөлімінде, басқа сыртқы
талдағыштармен салыстырғанда, рецепторлардан жүйкелік серпіндерді
қабылдайтын афференттік нейрондар саны айтарлықтай аз болады.
Сондықтан дені сау адам еш уақытта ішкі ағзалардың жұмысын сезбейді,
яғни бұл серпіністер сезім тудырмайды және санаға жетпейді. Тек нақтылы
ағзаларда көрнекті ауытқулар пайда болғанда, бұл сигналдар санаға жетіп,
ауырсыну түйсіктерімен қатар білінеді.
