Ширату тапсырмасы.
Белсенді оқу тапсырмалары(топта, ұжымда)
3.2.4.1 (Ұ; Т; Қ) Мəтінді тыңдау. Мəтіндегі негізгі ойды анықтап, ат қою. Мəтін мазмұны бойынша жоспар құру.
1-жаттығу. Ертегіні мұқият тыңдайды. Ертегіде не туралы
айтылғанын анықтайды.Оқушылардың топтық жұмысы ұйымдастырылады. Ертегі неліктен «Таңды іздеу» деп аталған деп ойлайсың? Сұрағын топта талқылап, өз ойларымен бөліседі.
Төменде берілген суреттердің қайсысы ертегі мазмұнына сай
келетінін анықтап, өз ойын дəлелдейді.
(МК; Ұ) Дереккөздерден сұрақ бойынша ақпарат табу,
талдау жасау білігін бағалау. Мұғалімнің сабақ мазмұнына байланысты алдын ала дайындаған сынып бұрышындағы материалдармен іздену жұмысы ұйымдастырылады.
«Қараңғы түн», «таң» сөздерінің мағынасына назар
аудартылады. Талдау жасатылады.
3.2.4.1 (Ұ; Т; ОТ; Қ) Жұмбақты оқып, шешуін табу.
2-жаттығу. Жұмбақты оқып, шешуін табады: əтеш.
3.1.7.1 (Ө; Қ) Сөз ішінде қатар тұрған дауыссыз дыбыстардың өзара үндесуін сақтап айту. Сөздерді оқып,
көшіріп жазу.
3-жаттығу. Сөздерді оқып, көшіріп жазады. Сөздердің айтылуы мен жазылуын салыстырып, өз ой тұжырымдарын
жасайды. Оқулықта берілген жаңа ақпаратты оқып, өз ой
тұжырымдарымен салыстырып, талдау жасайды. Түсіндіру
жұмыстары жүргізіледі.
3.3.6.1 (Ө; Ж; Ұ; Қ) Тыйым сөздерді көшіріп жазу. Мазмұынына талдау жасау.
4-жаттығу. Тыйым сөздерді көшіріп жазады. Оқушылардың бас əріп пен кіші əріптің биіктігі мен мөлшерін сақтап, оларды байланыстырып көлбеу жəне таза жазуы қадағаланып, бағыт беріледі. Жұппен жұмыс жасайды. Мұғалімнің көмегімен бір-бірінің қатесін тауып, түзетіп, орындалған жұмысты өзара
бағалайды. Тыйым сөздердің мағынасына талдау жасап, өз пікірін
білдіреді.
(МК; Т; Қ) «Уақытты тиімді пайдалану» туралы суреттердің көмегімен əңгіме құрастыру. Мұғалімнің басшылығымен оқушылардың сыни ойлау жəне коммуникативтік дағдыларын дамыту мақсатында «Коллаж
əңгіме» стартегиясы топтық жұмыс түрінде жүзеге асырылады. Сипаттамасы: Мұғалім оқушыларға түрлі түсті суреттері бар журналдар береді. Олар журналдардан ұсынылған тақырыпқа сəйкес суреттерді қиып алып, флипчартқа жабыстырып, əңгіме құрастырады. Мұғалім оқушыларға топтық жұмысты қорғаудың мақсаты мен қойылатын талаптарын белгілейді жəне қағазға түсіріп, сынып қабырғасына іліп қояды.
Дескриптор:
Тыңдалған мəтін бойынша қойылған сұрақтарға жауап беріп, мəтінде жалпы не туралы айтылғанын түсінеді.
Диалогке қатысады; мұғалімнің көмегімен негізгі ойды анықтай алады.
Берілген тақырып бойынша ой қорыту жасай алады.
| 
