14. СҰРАҚ: Санаға әсер ететін немесе оған көмектесетін не ?
ЖАУАП: Санаға көмектесетін ұғымдар - ой, ойлану, мақсат қою, әсерлену мен армандау, талап, тілек, қайғыру мен қуану т.б.
Осынау, ұсынылып отырған қағидалардың барлығы да "С.Ғаббасов. Халық педагогикасының негіздері, А, 1995ж." атты монографиялық кітаптан алынып отыр. Біз Бұл еңбекті адам тәрбиесі жайындағы ж а ң а і л і м деуіміздің мәні, расында да - жалпы халық педагогикасы тұңғыш рет ғылыми ПӘН ретінде қарастырылумен қоса, оның бұрын-соңды болмаған - методологиясы, жеті түрлі негіздері және екі түрлі жүйелері - педагогика ғылымындағы соңғы құбылыс екенін ашып айтқанды жөн көрдік. Жоғарыдағы сұрақ және жауап ретінде қарастырылған аса күрделі мәселелер, адам тәрбиесіндегі өте қиын күрмеулерді шешу үшін жеке-жеке даралай бөліп қарастыруға мәжбүр етті.
Жалпы біздердің санамызда бұрынғы бодандықпен қалыптасқан өзіңе-өзің сене алмайтын құлдық психология бар. Соның салдарынан басқа жұрт айтқанның бәрі ақиқат, ұсынғандары түгел ғылыми жаңалық, жазғандарының бәрі шылқыған шындық тәрізденеді де тұрады. Әлі күнге дейін талғамсыз еліктеуден есіміз шығып, жаттанды көшірмелерден жалған ғылымсымақтар жасап, жанымыз азып тәніміз тозып, ата-бабаларымыздың айтқан небір өсиет сөздері әдірә қалып, өзгеге емінуден көз аша алмай отырмыз. Басқаны былай қойғанда ана тіліміздің өзін өзге емес өзіміз қорлап жүргеніміз де сол құлдық психологиямыздың салдары болып табылады. Сондықтан да, өзіміз ашқан ілім десек те, жаңалық десек те үрке қарап, тас керең болып қалғандай меңіреу күйге түсеміз. Бүйтіп тәуелсіз ел болудың сыры мен сипатын танудың өзі де қиынға соғатын тәрізді.
ТҮЙІНІ:
Педагогика категориялары
Педагогика ғылымдарының классификациясы
Эвропацентризм методологиясының қателіктері
Достарыңызбен бөлісу: |
