Тіл – құрал. Қазақ тілін меңгеру деңгейін тестілеу əдісімен бағалау емтиханына дайындық үшін оқу-əдістемелік құралы
жүктеу/скачать 3,42 Mb. Pdf көрінісі
|
КАЗТЕСТ Учебно-методическое пособие (Тіл – құрал) B1
- Бұл бет үшін навигация:
- Жауабыңызда төмендегі қосымша мәліметті пайдалануыңызға болады.
| ЖАЗ
ылым бөлігі 2. Олимпиадалық ойындар алғашқы рет қай елде өткізілді? Бұл сұраққа жауап беру үшін мәтінде не туралы айтылғанын еске түсіру керек. Сұрау мағынасы «қай ел+де» жатыс септігінде тұрғандықтан, жауап та сол формада тұруы керек. Мәтінде мынадай ақпарат бар: Бірінші олимпиадалық ойын 1896 жылы Грекия астанасы Афинада өткен. Жауабыңыз сәтті болуы үшін мәтіндегі ақпаратты сөзбе-сөз қайталауға болмайды. Бірінші сөзінің баламасын анықтаңыз. Астанасы сөзін мағыналас түсінікпен ауыстырыңыз. Өткен сөзін басқа сөзбен ауыстырыңыз. Анықталған тірек сөздеріңіз арқылы сөйлем құрып, жоғарыдағы сұраққа жауап беріп көріңіз. Жауап беруде өз ойыңызды қосуыңызға болады. Жауабыңызда төмендегі қосымша мәліметті пайдалануыңызға болады. 1908 жылы IV олимпиадалық ойындар Лондон + да болды. 1912 жылы V олимпиадалық ойындар Стокгольм+ де өтті. 1980 жылы ХХII олимпиадалық ойындар Мәскеу+де өткізілген. 2008 жылы XXIX олимпиадалық ойындар Пекин+де ұйымдастырылған. 3. Бірінші олимпиадада спорттың неше түрі болды? Бұл сұраққа жауап беру үшін «неше?» деген сауалға жауап іздейміз, ол нақтылықты талап етіп тұр. Мәтін мазмұнын еске түсірсек, мазмұндамада: «Онда 8 спорттық ойын түрінен жарыс болды» деген сөйлем жауап бола алады. Жауабыңыз сәтті болуы үшін мәтіндегі ақпаратты беретін сөздер мен сөз тіркестерін сөзбе- сөз қайталауға болмайды. Онда, ойын түрі, жарыс сөздері мен сөз тіркестерінің баламаларын ауыстырып жазуға болады. Анықталған тірек сөздеріңіз арқылы сөйлем құрып, жоғарыдағы сұраққа жауап беріп көріңіз. 4. Олимпиада өткізетін ел қандай болуы керек? Сұрау мәні ел сөзіне қатысты болып, сын есімнің «қандай?» сұрағы арқылы беріліп тұр, ендеше жауап ңұсқасында ел сипаты анықталу керек. Мәтінде бұл туралы ақпарат былай берілген: Олимпиада өткізуші мемлекеттің экономикасы күшті болуы керек, 10 000 спортшы, 5000 журналист және бір миллион көрермен қабылдап, қызмет көрсетуі қажет. Жауабыңыз сәтті болуы үшін мәтіндегі ақпаратты беретін сөздер мен сөз тіркестерін сөзбе- сөз қайталауға болмайды. Өткізетін, ел, экономикасы күшті сөздері мен сөз тіркестерінің баламаларын анықтаңыз. Анықталған тірек сөздеріңіз арқылы сөйлем құрып, жоғарыдағы сұраққа жауап беріп көріңіз. Жауап беруде өз ойыңызды қосуыңызға болады. 5. Олимпиада қай елдерде болды? Бұл сұраққа жауап беру үшін мәтінге сүйену керек немесе өзіңіз білетін мәліметіңізді қосуға болады. «Қай елдерде?» деген сұрақ құрылымында жатыс септігінің жалғауы болғандықтан, жауап нұсқасында да жатыс септігінің жалғауы тұруы керек, «елдерде» деп көптік жалғауымен беріліп тұрғандықтан, жауапта бір ғана емес, бірнеше ел туралы мәлімет болуы қажет. Мәтінде бұл туралы ақпарат былай берілген: Комитеттің бекітуімен 2004 жылы шілдеде Грекия астанасы Афинада ХХVІІІ олимпиада өтті. Ал ХХІХ олимпиада Бейжің қаласында өткізіледі. Жауабыңыз сәтті болуы үшін мәтіндегі ақпаратты сөзбе-сөз қайталауға болмайды. Бекітуімен, Бейжің қаласы, өткізілді сөздері мен сөз тіркестерінің баламаларын анықтаңыз. Анықталған баламаларды тірек сөз етіп, сөйлем құрастырыңыз. |