Ежелгі Жерортатеңіздік патшалықша батыстағы Макаронезиядан бастау алып, барлық Жерорта теңізі аумағын, Азияның Орталық және Алдыңғы аудандары арқылы шығыстағы Монғолияға дейінгі орасан зор аумақты қамтиды. Бұл көлемді аумақта Макаронезияның ылғалды мәңгі жасыл ормандарынан Орталық Азияның шөлді аймақтарына дейін өсімдік жамылғысы алуан түрлі. Алайда бұл аймақ флорасының даму тарихы кейбір ортақ белгілерімен сипатталады. Флорасы ежелгі Жерорта теңіздік – Тетис жағалауы бойымен қалыптасты, ежелгі жерорта теңіздік өсімдіктердің басым көпшілігінің шығу тегі Шығыс Азиялық. Тропикалық флораның өзгерген түрлері де оның құрамында елеулі орын алады, әсіресе Макаронезия және Сахара-Аравия облыстарында (лавр және пальма тұқымдасының өкілдері). Ежелгі жерорта теңіздік патшалықша 4 облысқа бөлінеді.
