Есенова камчат аугажыевна
жүктеу/скачать 7,45 Mb. Pdf көрінісі
|
6D010300 ДИССЕРТАЦИЯ ЕСЕНОВА К.А.
| Мамандық бойынша
бакалавр кәсіби қызметтің келесі түрлерін орындайды : – мектептегі педагог-психолог; балалар үйлерінің, интернат үйлерінің психологиялық қызметтеріндегі педагог-психолог, білім беру мекемелеріндегі әдіскер; ғылыми-зерттеу институттарында, зертханаларында кіші ғылыми қызметкер; тәрбиеші, педагог-менеджер және т.б. Қабылдау комиссиясы қабылдауды емтихан комиссиясының қорытындысы негізінде жүргізеді. Талапкерлердің бір бөлігі оқушылар олимпиадасының нәтижелері бойынша бағдарламаға қабылданады. 1579 жылы құрылған Вильнюс университеті Литвадағы ғылыми зерттеулердің көне және ірі мекемесі саналады. Университет әлеуметтік ғылымдар саласындағы зерттеулердің ірі және беделді институттарының бірі. Вильнюс университеті құрылымдық түрде академиялық және академиялық емес бөлімшелерге бөлінеді, сондай-ақ бөлімше мәртебесі негізгі және салалық бөлімшелерге жіктелген. Университеттің академиялық бөлімшелері қызметінің негізгі бағыттары ғылыми-зерттеулер саналады. Негізгі ғылыми бөлімшелер университет факульеттері мен басқа да ұқсас бөлімшелер саналады (12 факультет, 7 институт және 4 орталық негізгі академиялық бөлімшелер мәртебесін сақтайды). Қазіргі уақытта университетте 22 мыңнан астам студент және 3,5 мың ғылыми және әкімшілік қызметкерлері бар. Вильнюс университетінің жоғарғы өзін-өзі басқару органы – Сенат. Университет Сенаты 41 мүшеден тұрады (8 студент). Сенат университеттің жалпы істері мен маңызды мәселелер мен сұрақтарға қатысты алқалық шешімдер үшін жауап береді. Университет басшысы ректор университет кеңесімен сайланады және оған есеп береді. Университет ректоры бес жыл мерзімге сайланады. Қазіргі уақытта академиялық істер жөніндегі проректор, стратегиялық даму жөніндегі проректор, әкімшілік істер жөніндегі проректор, сондай-ақ ғылыми зерттеулер жөніндегі проректор секілді тиісті функцияларға жауапты төрт проректор бар. Университет ректоры проректорды бекітеді және оны қызметінен алып тастай алады. Негізгі ғылыми бөлімшелерде белгілі бір дербестік және университеттің жоғарғы басшы құрылымдарының мақұлдауынсыз зерттеуге немесе зерттеуге байланысты мәселелерге қатысты шешімдер қабылдау қабілеті бар. Дегенмен, университет оқу процесін үйлестіру және жалпы ережелерді бақылауды жүзеге асырады. Зерттеу комитетін Сенат құрады және ол жаңа оқу бағдарламаларын өңдейді, содан кейін оларды мақұлдау үшін Сенатқа береді. Вильнюс университетінде оқу үдерісін реттейтін негізгі құжаттар мыналар: зерттеулер туралы ереже, зерттеу бағдарламалары туралы ереже, зерттеу нәтижелерін бағалауға арналған рәсімдер, стипендиялар туралы ереже, академиялық үлгерім актілерінің рәсімдері, дипломдық жұмыстар мен жобаларды дайындау, қорғау тәртібі туралы ереже және т. б. Аталған университетте Әл-Фараби атындағы Қазақ ұлттық универсиетіндегідей Философия және саясаттану факультетіне ұқсас гуманитарлық және әлеуметтік ғылымдар саласында жоғары білікті мамандарды оқытатын философия 93 факультеті іргелі және қолданбалы зерттеулер жүргізеді, мәдениет университетінің мұрасын сақтайды және университеттің дәстүрін жалғастырады. Факультет кеңесі факультеттің өзін-өзі басқарудың жоғары директивті мекемесі болып табылады және факультеттің ғылыми-зерттеулерінің стратегиясы мен жоспарлауына жауап береді. Қазіргі уақытта кеңеске 22 адам мүше (олардың үшеуі білім алушылар). Мамандандырылған комиссиялар – апелляциялар жөніндегі комиссия, аттестаттау жөніндегі комиссия, даулар жөніндегі комиссия және Academic комиссиясы Кеңеске есеп береді. Факультет декан басшылығына және деканның үш орынбасарынан (зерттеу, оқыту, стратегиялық жоспарлау және халықаралық байланыстар үшін), бөлім басшылары мен факультет әкімшілері кіреді. Факультет құрамында жеті кафедра: жалпы психология, педагогика ғылымдары, философия, логика және философия тарихы, клиникалық және ұйымдастырушылық психология, әлеуметтік жұмыс және әлеуметтану; сондай- ақ басқа да академиялық салалық бөлімшелер – криминология орталығы, психофизиология зерттеу зертханасы, психологиялық инновациялар және ғылыми-зерттеу оқу орталығы және арнайы психология зертханасы бар. 2014 жылдың қазан айындағы жағдай бойынша факультетте 114 қызметкер бар: оның ішінде 89 ғылыми қызметкер (оның ішінде 15 профессор). Факультеттің студенттік контингенті – 1441 студент, оның ішінде 1023 – бакалавриат бағдар- ламалары, 29 – дәрежесі жоқ бағдарламаларда, 320 – негізгі бағдарламаларда және 69 – докторантурада оқиды. Факультет төрт студенттік бағдарлама (философия, психология, әлеуметтік жұмыс, әлеуметтік саясат және әлеуметтану), он бір магистрлік бағдарлама (педагогикалық ғылымдар, философия, психология, клиникалық психология, ұйымдастыру психологиясы, сот психологиясы, әлеуметтік жұмыс, әлеуметтік саясат, әлеуметтану, әлеуметтану және криминология және арнайы педагогика) және төрт докторлық бағдарлама (педагогикалық ғылымдар, философия, психология, әлеуметтану) бойынша мамандар дайындайды. Шетелдік оң тәжірибені есепке ала отырып, факультетте мектеп мұғалімдеріне арналған «Мектеп педагогикасы» атты бір жылдық бағдарлама қызығушылық тудырып отыр. жүктеу/скачать 7,45 Mb. Достарыңызбен бөлісу:
|