Есенова камчат аугажыевна
БІЛІМ БЕРУ МЕНЕДЖЕРЛЕРІН ДАЙЫНДАУДЫҢ ЖАҢА
жүктеу/скачать 7,45 Mb. Pdf көрінісі
|
6D010300 ДИССЕРТАЦИЯ ЕСЕНОВА К.А.
| 3 БІЛІМ БЕРУ МЕНЕДЖЕРЛЕРІН ДАЙЫНДАУДЫҢ ЖАҢА
МОДЕЛІН ІСКЕ АСЫРУ БОЙЫНША ТӘЖІРИБЕЛІК- ПЕДАГОГИКАЛЫҚ ЖҰМЫСТАР 3.1 Білім беру менеджерлерін дайындаудағы тәжірибелік- педагогикалық эксперимент және білім беру бағдарламасы Болашақ мамандарды даярлау жағдайында ғылымды, өндірісті және білім беруді интеграциялауға бағытталған қазақстандық білім беруді жаңғырту жағдайында инновациялық, бәсекеге қабілетті, бірегей білім беру бағдарламаларын әзірлеу мәселесі аса өткір болып отыр. Өзгерістер келесі ұстанымдармен түсіндіріледі: жаңартылған білім беру стандарттарын енгізу және жеке білім беру стандарттарын әзірлеу, жалпы білім беру қызметін регламенттейтін нормативтік-құқықтық актілерді тұжырымдамалық өзгерту, сондай-ақ, білім беру бағдарламаларын әзірлеу және іске асыру. Осыған байланысты жоғары оқу орындары және жоғары оқу орнынан кейінгі білім беру алдында нормативтік құжаттарда айқындалған талаптарды ескере отырып, білім беру бағдарламаларын (ББ) жобалау міндеті тұр. Білім беру бағдарламасы жақсы құрылымдалған және жан-жақты педагогикалық жүйе деп түсіндіріледі. Сондықтан бұл жағдайда қолданылатын тәсілдер жаңаша білім беру бағдарламаларын құрастырудың негізгі ұстанымдары болып келеді. Біздің зерттеуіміз бүгінгі қоғам талаптарына сай қолдану ауқымдары кең болып отырған заманауи, әрі ғылыми-салыстырмалы сипатта болғандықтан, білім беру менеджерлерін дайындау жүйесін жетілдіруде даярланған білім беру бағдарламасын тәжірибелік эксперименттен өткізу қажеттігінен туындайды. Сондықтан да біз ұсынған білім беру бағдарламасы болашақ білім менеджерлерінің кәсіби икемділігін, шеберлігін, шығармашылығын, ғылыми- шығармашылық, өндірістік-басқарушылық, шығармашылық-жобалау, ойлау қабілетінің мәдениеті мен ғылыми негіздеу деңгейін жетілдіруді қалыптастыруда кәсіптік біліктілікті құрушы элемент деп қарастырылады. Оған білім бағдарламасын жасақтауда көрсетілген модулдер шеңберін кіріктіріп оқытумен ықпалдастырылады. Зерттеудің ұсынылған болжамын практикалық түрде тексеру мақсатымен әл-фараби атындағы Қазақ ұлттық университетінің философия және саясаттану факультетінде біз алдын-ала теориялық зерттеулерге негізделіп дайындалған, тәжірибелі-эксперимент жұмысы іске асырылды. Эксперимент білім алушылардың теория және практика тұрғысынан дайындауға байланысты біз ұсынған білім беру бағдарламасын тәжірибелі-практикадан өткізуге бағытталды. Білім беру бағдарламасында модульдік компоненттерінің мазмұндық сипаты және оның тиімді қолданылу кешені тәжірибеден өткізілді. Тиісті материалдар талдау, ғылыми іздеулерге педагогикалық эксперимент зерттеудің ең басында негізделген болжамдық ғылыми және объективті дұрыстығын тексеруді қамтамасыз ететін әдістер кешені көрсетіледі. 117 Ю.К.Бабанскийдің пікірінше, ол басқа әдістерге қарағанда, оқыту және тәрбие саласындағы жаңалықтардың тиімділігін терең тексеруге мүмкіндік береді. Сонымен, эксперимент ретінде біз аталған білім алушыларға тән қасиеттерді, байланыстарды, ерекшеліктерді, заңдылықтарды анықтау үшін арнайы жасалған бірізділікте педагогикалық факторлар мен жағдайларды, нақты фактілер мен құбылыстарды, процестерді зерттеуге байланысты танымдық операциялар жүйесін түсінеміз. Тәжірибелік экспериментке мына ерекшеліктер тән болады: - педагогикалық үдеріске зерттеу және болжамның міндетіне сәйкес маңызды өзгерістерді арнайы енгізілуі; - оның біртұтас сипатын бұзбай, құбылыстардың арасындағы байланыстарды көруге мүмкіндік беретін педагогикалық үдерісті ұйымдастыру; - терең сапалы талдау және мүмкіндігінше педагогикалық үдеріске негізілген жаңа компоненттерді және барлық үдеріс нәтижелерін дәлірек сандық өлшеу арқылы қорытынды жасау. Біз жүргізген тәжірибелік эксперимент білім менеджерлеріне арналған білім беру бағдарламасы аясында құрастырлған жүктеу/скачать 7,45 Mb. Достарыңызбен бөлісу:
|