Есенова камчат аугажыевна
жүктеу/скачать 7,45 Mb. Pdf көрінісі
|
6D010300 ДИССЕРТАЦИЯ ЕСЕНОВА К.А.
| Лауазымдық міндеттер.
Білім беру ұйымы директорларының қызметін оның жарғысы мен өзге де нормативтік құқықтық актілерге сәйкес басқару; педагогикалық және әдістемелік кеңестермен бірлесе, мемлекеттік жалпыға міндетті білім беру стандарттарын жүзеге асыруды ұйымдастыру; жалпыға міндетті білім беру заңына сәйкес, балалардың тіркелген учаскесі бойынша жалпыға міндетті білім алуын қамтамасыз ету; оқу-тәрбие үдерісінің ғылыми- әдістемелік және материалдық-техникалық базасын ұйымдастыру және жетілдіру; оқу-тәрбие үдерісін әдістемелік қамсыздандыруды ұйымдастыру және жетілдіру; заманауи ақпараттық технологияларды дамытуды қамтамасыз ету. Мұғалімдер (педагогикалық) ұйымдары, әдістемелік бірлестіктер, балалар ұйымдары қызметіне көмек беру; Білім беру қызметін жүргізуге құқық беретін лицензияға сәйкес, оқушылар мен тәрбиеленушілер контингентін құру; оқушылар мен тәрбиеленушілерді әлеуметтік қорғауды қамтамасыз ету. Жетім балалар мен ата-ана қамқорлығынсыз қалған балалар қатарындағы тәрбиеленушілердің заңды құқықтары мен мүдделерін (жеке, мүліктік, тұрғын үй, еңбек және басқа да) қорғау, туыстық қатынастарын сақтау үшін жағдай жасау бойынша шаралар қабылдау. Оқушылар мен тәрбиеленушілерді белгіленген нормалардан төмен емес шарттарда өмір сүруін қамтамасыз ету. Оқу-тәрбие үдерісі барысында оқушылар (тәрбиеленушілер) мен білім беру ұйымы қызметкерлерінің өмір қауіпсіздігі мен денсаулығын сақтау үшін қажетті жағдайларды жасау. Оқушылардың денсаулығын сақтау және оны нығайту мақсатында тамақтану және медициналық қызмет көрсетуді қамтамасыз ету бойынша жұмыс пен бақылауды ұйымдастыру. ҚР заңнамасында белгіленген шек бойынша білім беру ұйымының мүлкі мен қаржысын басқару, құрылтайшылардың материалдық және қаржылық қаражаттарының кірісі мен шығысы жөнінде жылдық есеп ұсыну. Нормативтік талаптарға сай білім беру және материалдық-техникалық базаны есепке алу, сақтау және толықтыруды қамтамасыз ету, ішкі еңбек нормаларының, санитарлық-гигиеналық тәртіптің, еңбекті қорғау және қауіпсіздік техникасы ережелерінің сақталуына жауап беру. Педагогикалық кадрлар мен көмекші персоналды іріктеу мен орналастыруды жүзеге асыру, басқару құрылымын, штаттық кесте мен қызметкерлердің лауазымдық нұсқаулықтарын бекіту, олардың біліктілігі мен кәсіби біліктілігін арттыру үшін жағдай жасау. Педагогикалық кеңесті басқару. Қызметкерлерді аттестаттауға дайындауға қатысу. Қызметінде ерекшеленген ұстаздар мен білім беру ұйымының басқа да қызметкерлерін сыйлықтар мен марапатқа ұсыну, өз құзыреті аясында жаза беру. Жұртшылықпен байланысты қамтамасыз ету, ата-аналармен (олардың орнын басушы адамдармен) жүргізілетін жұмысты үйлестіру. Мемлекеттік 81 және өзге де ұйымдарда білім беру ұйымынан өкілдік ету, қажетті есеп-қисапты дайындау және ұсыну. Компьютерлік сауаттылық және ақпараттық- коммуникациялық құзыреттілікке ие болу. Білуге міндетті: Қазақстан Республикасының Конституциясын, Қазақстан Республикасының «Неке (ерлі-зайыптылық) және отбасы туралы» Кодексін, Қазақстан Республикасының «Білім туралы», «Тіл туралы», «Қазақстан Республикасындағы балалар құқықтары туралы», «Сыбайлас жемқорлыққа қарсы күрес туралы», «Мүгедектігі бойынша және асыраушысынан айырылу жағдайы бойынша және жасына байланысты берілетін мемлекеттік жәрдемақыларды тағайындау туралы», «Арнайы әлеуметтік қызметтер туралы», «Кемтар балаларды әлеуметтік және медициналық-педагогикалық түзеу арқылы қолдау туралы», «Кәмелетке толмағандар арасындағы құқық бұзушылықтардың профилактикасы мен балалардың қадағалаусыз және панасыз қалуының алдын алу туралы» заңдарын және білім беруді дамытудың бағыттары мен перспективаларын анықтайтын басқа да нормативтік құқықтық актілерін, педагогика мен психология негіздерін, мемлекеттік жалпыға міндетті білім беру стандарттарын, педагогикалық ғылым мен практика жетістіктерін, менеджмент негіздерін, қаржы-шаруашылық мәселелерін, еңбек туралы заңнаманы, еңбекті қорғау, техника қауіпсіздігі және өртке қарсы ережелерін, санитарлық ережелер мен нормаларын. жүктеу/скачать 7,45 Mb. Достарыңызбен бөлісу:
|