Қазақстан Үкіметінің мемлекеттік жастар сыйлығы. Ол 1992 жылдан бері жұмыс істейді, 35 жасқа толмаған адамдарға ғылым, сәулет, өнер, журналистика, спорт, экономика саласындағы жетістіктері үшін 2 жылда бір рет беріледі. Бұл сыйлық жас ғалымдарды қолдау мақсатында беріледі. Сонымен қоса ҚР Білім және ғылым министрлігінің Ғылым комитеті ғылым саласындағы жыл сайынғы сыйлықтарға және мемлекеттік ғылыми стипендияларға құжаттарды қабылдауды жалғастыруда.
Бірқатар сыйлықтар мен гранттар
2020 жылы ғылым саласындағы атаулы сыйлықтар және мемлекеттік ғылыми стипендиялар мынадай номинациялар бойынша берілетін болады:
жаратылыстану ғылымдары саласындағы үздік ғылыми зерттеу үшін Қ.И. Сәтбаев атындағы бір сыйлық (350 айлық есептік көрсеткіш);
гуманитарлық ғылымдар саласындағы үздік ғылыми зерттеу үшін Ш. Уәлиханов атындағы бір сыйлық (350 айлық есептік көрсеткіш);
Ы. Алтынсарин атындағы бір сыйлық. Ғылыми – зерттеу және педагогика саласындағы үздік жұмысы үшін берілетін бір сыйлық (350 айлық есептік көрсеткіш)
Бірқатар сыйлықтар мен гранттар
– түркология саласындағы үздік жетістігі үшін Күлтегін атындағы бір сыйлық (300 айлық есептік көрсеткіш);
– жаратылыстану ғылымдары саласындағы үздік жұмысы үшін жас ғалымдарға Д. А. Қонаев атындағы бір сыйлық (150 айлық есептік көрсеткіш);
- гуманитарлық ғылымдар саласындағы үздік жұмысы үшін жас ғалымдарға М. Әуезов атындағы бір сыйлық (150 айлық есептік көрсеткіш);
– 75 мемлекеттік ғылыми стипендия, оның ішінде 35 жасқа дейінгі талантты жас ғалымдарға арналған 50 Мемлекеттік ғылыми стипендия.
