Жаңа оқу бағдарламаларының тағы бір ерекшелігі - олардың пәндік білім мен дағдыларды ғана емес,сондай-ақ,кең ауқымды дағдыларды қалыптастыруға бағытталуы.Оқу мақсаттарының жүйесі мынадай кең ауқымды дағдыларды дамытудың негізі болып табылады:функционалдық және шығармашылық түрінде білімдерін қолдану,сын тұрғысынан ойлау, зерттеу жұмыстарын жүргізу, ақпараттық-коммуникациялық технологияларды пайдалану, қарым-қатынастың әртүрін қолдану,жеке және топта жұмыс істей алу,мәселелерді шешу және шешімдер қабылдау.
Оқу жоспарлары. Оқу бағдарламаларындағы пәндер бойынша оқу жоспарлары ұсыныс сипатында берілген.Оқу мақсаттарының жүйесі мен оқыту тәсілдеріне негізделген ұзақ мерзімді және орта мерзімді жоспарларда мұғалімдер үшін тақырыптар мен бөлімдер бойынша сабақтарды өткізу,білім алушыларды сабақтарда ұйымдастыру бойынша ұсыныстар берілген,сондай-ақ оқыту ресурстары (интернет,мәтіндер,жаттығулар,бейне және аудиоматериалдыры және т.б.) көрсетілген.
Жаңа форматты сабақ балаларды оқыту процесіне белсенді тартуды,олардың талқылауға қатысуын,өткен материалды талдау және қорытуын ,зерттеу жүргізуін,бағалау пікірлерін айту,өзін-өзі бағалау және т.б. көздейді.
Сабақтың міндетті элементі ретінде оқушыны қолдауға бағытталған мұғалімдердің әрекеттерін түзетуге мүмкіндік беретін кері байланыс болуы тиіс.
Мұғалім тек білім көзі ретінде ғана емес, білім алушылардың өздерінің оқу-танымдық әрекеттерінің белсенді ұйымдастырушысы ретінде қызмет етуі тиіс.
Пәндерді, бөлімдерді, тақырыптарды кіріктіру, сондай-ақ пәнаралық байланыстарды жүзеге асыру құралы-ортақ тақырыптар – жаңартылған бағдарламалардың бірден бір ерекшелігі болып табылады. Олар барлық пәндердің мазмұнымен,ұзақ мерзімді және орта мерзімді жоспарлау жүйесімен байланысқан. Сондықтан мұғалім қысқа мерзімді жоспар әзірлеуде ортақ тақырыптар жүйесін сақтау және тапсырмаларды құрастыру мен оқушылардың сабақтағы қызметін ұйымдастыруда оларды ескеруі тиіс.
18 тақырып. ОҚЫТУ ФОРМАЛАРЫ,ӘДІСТЕРІ МЕН ҚҰРАЛДАРЫ-ТҰТАС ПЕДАГОГИКАЛЫҚ ҮДЕРІСТІҢ ҚОЗҒАУШЫ МЕХАНИЗМІ РЕТІНДЕ
