Меркі колледжі колледжі (білім беру ұйымының атауы)
Оқу сабағының жоспары Мобильді косымшаларды орнату (сабақтың тақырыбы)
Модуль /пән атауы Информатика Педагог Мусаева А.Т. дайындады
2022 жылғы "19" қазан
1. Жалпы мәліметтер
Курс, топ: 1 курс БҚЕ -1 Сабақтың түрі Жаңа сабақ
2. Мақсаты, міндеттері: «Мобильді қосымшаларды орнату» құрылғылар ұғымы, олардың түрлері, артықшылықтары мен орнатылуын түсіндіру.Студенттерге жаңа тақырыпты толық меңгеруге қызығушылығын ояту, назар аударту.
3. Күтілетін нәтижелер: сабақ аяқталғаннан кейін студенттер мобильді қосымшалардың түрлерін, орнатылуын олардың айырмашылықтарын,бағдарламасын құрып жұмыс істеуді және олардың смартфондарда қолдануын біледі.
4. Қажетті ресурстар: Компьютер, презентация, проектор, интерактивті тақта, смартфон
5. Сабақтың барысы
Әріп
Аталуы
Сипаттамасы
1. B
Bridging-in
Көпірлер салу (достық және іскерлік байланыстар орнату)
Үздік 25 мобильді қосымша
Жаңа смартфонды сатып алған қолданушының ең бірінші айналысатын ісі – әр түрлі қосымшаларды өз аппаратына жүктеу. Дәл сондай кезде, «қандай қосымшаны көшіріп алған дұрыс» деген оймен жүріп қалатынымыз рас. Сондықтан біз сіздерге CNN агенттігінің топтастырған мобильді қосымшалар рейтингін ұсынуды жөн көрдік.
Топ 5 жаңа құрам
Ridiculous Fishing — бұл арнайы смартфондарға арналып жасалынған ойындардың бірі болып табылады. Біршама өзгеше графикамен өрнектелген, бос уақытты жұмсауға таптырмайтын балық аулау ойыны.
Dots — әйгілі Cande Rush қосымшасына өте ұқсас келетін, бірақ одан біршама жаңа ойынның түрі.
Vine – видеороликтерді жариялауға арналған Twitter ұсынған қосымша. Әзірге оған деген сұраныс талабы арта қоймағанымен, оның қолданушылары тұрақты түрде көбейіп келеді.
Hangouts — Google ұсынған кросс-платформалы мессенджер. Енді смартфонда көп уақытын өткеретін қолданушылар ешбір қиындықсыз аталған қосымшаны қолдана алады.
VSCO cam — бұл қосымша 2012 жылдан бері шығарыла бастаған болатын. Дегенмен, ең соңғы нұсқасының қатты жаңартылғаны сонша, оны тіпті бөлек қосымша деуге де болады. Қазіргі кезде аталған қосымша фотоларды өңдеп, жариялауда сервистерінің арасында алда келеді.
Топ 5 кросс-платформалы қосымша
Snapchat — фото мен видеоны жариялауға арналған кезекті қосымшалардың бірі. Бір қызығы, жарияланған видео немесе фото көрілгеннен кейін өшіріліп кетеді.
WhatsApp — расында, ең ұтымды мессенджер болмаса да, бүкіл әлемде беделі артып, бірдей қолданылғандықтан рейтингке еніп отыр.
SoundCloud — бұл MySpace Music пен Twitter-лердің қосылған әмбебап қосымшасына келеді. Аталған қосымшаның тартымдылығы сіз өзіңіз ұнатқан әншіні өз парақшаңызда жариялайсыз. Ал сосын сол әншінің қандай жаңа альбомы немесе әні шығатын болса, сіз оны бірден көре алатын боласыз.
Dropbox — ғаламторда құжаттарын сақтауды жөн көретін адамдар үшін жасалған. Өз аккаунтыңызға әрқашан смартфоныңыздан кіре алатын боласыз.
Kindle — бұл тек қана кітаптарды смартфонға немесе планшетке көшіріп алу ғана емес, оған қоса, PDF форматтағы кітаптарды да ашып оқуға мүмкіндік беретін қосымша.
iPhone-ға арналған топ 5 қосымша
Paper – қарапайым сурет салуға арналған қосымша. Кішігірім скетчтер, қолмен салынған суреттер мен ілмектерді жасауға арналған.
iA Writer – ең қажетті құжаттарды жинақтайтын мәтіндік редактор.
Traktor DJ – нағыз диджей болуды армандайтын адамдарға арналған қосымшаға келеді. Қосымшаны көшіріп алу арқылы музыкалық қабілетіңізді дамытатын боласыз.
How to Cook Everything – үйде тағам дайындауға көмектесетін және пайдалы кеңестер беретін кестелерге толы қосымша.
Superbrothers: Sword and Sworcery EP – басында кез-келген шыдамсыз адамға біртүрлі түсініксіз болып көрінетін ойын түрі. Дегенмен, шығарылғанына 3 жылдың көлемі болмай қолданушылар ол туралы жақсы пікірлерін қалдырып келеді.
