Негізгі түбір сөздер тілде көне замандардан келе жатқан сөздер болғандықтан, халыққа таныс, белгілі сөздер, сондықтан олар тілдің негізгі сөздік қорына жатады. Негізгі сөздердің басым көпшілігі тілде жиі қолданылады. Олар – күнделікті өмірдегі қарым-қатынаста да, көркем шығарма стилінде де, басқа стильдерде де қолданылатын сөздер. Негізгі түбір сөздердің қолданылу мүмкіндігі мол, олар белгілі бір стильге байлаулы сөздер емес. Бұл жағдай негізгі түбір сөздердің тілде үлкен қызмет атқаратын дәлелдейді. Әрине, ол туынды сөздердің тілде негізгі сөздерден қызметі кем деген қорытынды жасауға дәлел бола алмайды. Бірақ негізгі түбір сөздер негізгі сөздік қорға жатады да, туынды сөздерге ол түгел қатысты емес. Туынды сөздердің бірсыпырасы сөздік құрамға кіреді.
