«Кезекшілік сыныптарда» оқытуды ұйымдастыру (1-4 сыныптар)
Бастауыш 1-4 сынып оқушылары үшін барлық мектепте қашықтан оқыту жағдайында ата-аналардың немесе балалардың заңды өкілдерінің өтініші негізінде әр сыныпқа 15 балаға дейін «кезекшілік сыныптар» ұйымдастырылады.
Оқушылар ата-аналарының немесе заңды өкілдерінің өтініші бойынша кезекші сыныпқа жазылады.
«Кезекшілік сыныптар» жергілікті атқарушы органдардың шешімімен және тиісті аумақтардың бас мемлекеттік санитарлық дәрігерлерімен келісе отырып ашылады.
Созылмалы ауру белгілері жоқ балаларға «кезекшілік сыныптарда» оқуға рұқсат етіледі.
Балалардың білім алуына өтініштер ата-аналардан қол жетімді байланыс құралдары арқылы 2020 жылдың 15-24 тамыз аралығында қабылданады.
«Кезекшілік сыныптарда» балалардың білімін таңдау құқығы ата-аналарға немесе балалардың заңды өкілдеріне тиесілі.
Ата-аналар немесе балалардың заңды өкілдері мектеп басшысының атына өтініш беру арқылы таңдау құқығын білдіреді.
Ата-аналары немесе балалардың заңды өкілдері өз балаларын кезекші сыныптарға оқуға жібереді, балалардың қоғамдық ортада болатындығына және келісетіндіктерін, коронавирустық инфекцияны жұқтыру қаупінің алдын алу үшін барлық қажетті шараларды ұсынады (бет перде, қолғап,
қолжууға арналған флакондағы антисептик немесе
бактерияға қарсы дымқыл салфеткалар).
«Кезекші сыныптарға» қабылдау мектеп директорының бұйрығы негізінде 2020 жылдың 25 тамызында жүзеге асырылады.
25-27 тамыз аралығында «кезекші сыныптар» құрылады, әр сыныпқа бір педагог бекітіледі.
Оқу тоқсаны барысында балаларды «кезекші сыныптарға» қабылдау бос орын болған жағдайда қабылдау жүргізіледі.
Бір сабақтың ұзақтығы - 30-40 минут. 1-сыныптар - сатылы режимде оқытылады.
Кесте бір аптаға жасалады.
Балалардың ата-аналары немесе заңды өкілдері балаларына әлеуметтік алшақтық қажеттілігі туралы түсіндіреді.
Балалардың ата-аналары немесе заңды өкілдері оқу күні басталар алдында мектепке дейін және оқу күні аяқталғаннан кейін мектептен үйге дейін баланы жеткізуді қамтамасыз ету қажет.
Достарыңызбен бөлісу: | 
