Көрісу − ынтымақ пен берекенің, татулық пен тағылымың көрінісі іспетті. Көрісу күні бұрын соңды бір-біріне өкпе-назы бар ағайын-туыс араздастықты жойып, татуласып, табысады. Төс қағыстырып, мал-жанының амаңдығын сұрасып, қыстан аман-есен шықандықтарына тәубе келтіреді. Әр адам өзінен жасы үлкен кісілердің шаңырағына кіріп, амандасып, көріседі, барған үйіне «Бір жасыңызбен!» деп еніп, жана жылға аман-есен аяқ басқан жора-жолдас, туған-туысқандарын құтықтайды.
Таң атысымен «Көрісу» мерекесін асыға күткен әрбір отбасы дастарханын құрт, бауырсақ, ақ ірүмшік, сары май, уыз сынды дәстүрлі тағамдарымен көмкеріп, наурыз көжесін дайындап, табалдырығын атаған әр қонағын жылы жүзбен қарсы алады. оларға ерекше ілтипат көрсетіп, төріне шығарады, ас ұсынады. Сондай-ақ, әротбасы көршілерімен көріседі. Бұл күні әр адам міндеті түрде үш үйдің есігін ашуы керек. Нақтырақ айтқанда, түске дейін үш үйге кіріп, көрісіп үлгеруі тиіс. (120 сөз)
(https://martebe.kz/)
_____________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________
