Негізі терминдер Амфипатикалық қосылыстар
Эссенциалды қышқылдар
Глицерол
b-тотығу
Әдебиеттер 1. Химия биологически активных природных соединений. Под редакцией Преображенского Н.А. и Евстигнеевой Р.П.М. «Химия», 1970.
2. Химия липидов (Евстигнеева Р.П., Звонкова Е.Н., Серебренкова Г.С., Швед В.М.). М. «Химия». 1987,с.202.
3. Жеребцов Н.А., Попова Т.Н. Артюхов В.Г. Биохимия. Воронеж. Гос. Университет, 2002г.
4. Сеитов З.С. Биохимия. Алматы. Агроуниверситет. 2000г
Дәріс 8. Белоктардың биологиялық маңызы. Белоктардың қорытылуы және амин қышқылдарының ішек арқылы сіңуі. Дәріс жоспары: 1. Жалпы түсінік.
2. Белок молекуласын полипептидтік тізбек қалыптастырады.
3. Белок молекуласының құрылымы.
4.Белоктардың және амин қышқылдарының ұлпаларда ыдырауы.
5. Амин қышқылдар метаболизмінің қорытындысы.
Белок тіршіліктің негізі. Оны қазіргі уақытта биология ғылымы жетістіктері толық дәлелдеп отыр. Белок болмаса жер бетінде тіршілік те болмас еді. Белоктың әрбір клетка құрамында болуы, оларды ауыстыруға болмайтыны және өздеріне тән көптеген түрлі қызмет атқаруы осының дәлелі.
Белоктар - жоғары молекулалы азотты қосылыстар,α-амин қышқылдарынан (мономерден) түзілетін күрделі биополимерлер.
Қазіргі кездегі түсінік бойынша белок дегеніміз – молекула-лық массасы 5000 Да шамасынан артық, кеңістіктік құрылымы бар және организмде белгілі бір қызмет атқаратын полипептид. «Белок» деген термин орыс тілінде жұмыртқаның ақ уызы (белок) деген сөзден шыққан. Жұмыртқаның ақ уызы қыздыру кезінде қатайып, ақ түсті жентекке айналады (неміс тілінде де «Еіwеіss» деген сөз жұмыртқаның ақ уызын білдіреді). Белокқа қатысты «протеин» (грек тілінде «рrоtеіоs» деген сөзден шыққан) деген термин де қолданылады. Ол алғашқы, аса маңызды деген мағынаны білдіреді. Бұл мағына да тіршілік процесінде белоктың аса маңызды екенін көрсетеді.
