Қарапайым деңгей бойынша күтілетін нәтижелер

1. 
   Күнделікті өмірде жиі кездесетін жеке сөздерді, баяу әрі анық айтылған қарапайым сөйлемдерді түсіну;
   
2. 
   Қарапайым синтаксистік құрылымдарды құрастыра алу;
   
3. 
   Өзі меңгерген сөйлемдер мен айтылымдарды қолдану арқылы, жеңіл мазмұнды сұхбаттарға қатыса алу;
   
4. 
   Өзіне таныс күнделікті тақырыптарға байланысты сұрақтар қойып, сол сұрақтарға жауап бере алу.
   

1. 
   Сөйлеу интенциялары
   

Сұхбаттасушымен сөйлеу актісіне қатысып, ақпарат алмасуға бағытталған ниеттер (интенциялар):

• 
  коммуникацияға қатысу (үйде, көшеде, оқу орнында, қоғамдық орындарда);
  
• 
  танысу түрлері (ресми және бейресми жағдайда өзін және басқа адамды таныстыру);
  
• 
  сәлемдесу және қоштасу түрлері (сұхбаттасушының жас ерекшелігі мен әлеуметтік орны және сөйлеу әдебіне сәйкеc);
  
• 
  алғыс білдіру формалары (ресми және бейресми жағдаяттарда);
  
• 
  кешірім сұрау түрлері;
  
• 
  құттықтау түрлері (мерекелер, туған күн, халықтық салт-дәстүрлерге қатысты мерекелер).
  

• 
  әртүрлі жағдаяттардағы әрекеттерді жүзеге асыруға қозғау салу формалары (түрткі болу, өтініш беру, кеңес беру, ұсыныс айту, талап ету, бұйрық беру, рұқсат сұрау);
  
• 
  келісу/келіспеу формалары;
  
• 
  шақыру түрлері (бейресми, ресми).
  

• 
  пікір білдіру, оны дәлелдеу, қатысым жағдаяты мен сөйлеу әдебіне сәйкес бағалау;
  
• 
  іс-қимылдың, оқиғаның немесе заттың артықшылығын/кемшілігін көрсету, жағымды/жағымсыз әрекетке баға беру;
  
• 
  оқылған, тыңдалған, көрген ақпаратқа қызығушылық таныту;
  
• 
  болжам жасау, оны растау немесе жоққа шығару;
  
• 
  эмоциялық күй-қалыпты жеткізу (қуану, таңқалу, ренжу, ниет білдіру, қарсылық білдіру).
  

• 
  адам, зат, дерек, оқиға, іс-әрекет туралы нақты ақпарат беру және ақпаратты алу және бұл үшін қажетті білік-дағдылар (сұрақ-жауап алмасу, нақты зат, жағдаят, оқиға, кейіпкерді сипаттау; заттың бар/жоқ екендігін, санын, сапасын, кімге тиесілі екендігін анықтау; әрекеттің уақытын, орнын, себебін, мақсатын сұрау; қалауды, қажеттілікті жеткізу формалары);
  
• 
  есту, оқу, көру арқылы алынған мәліметтерді сипаттай алу;
  
• 
  түсінбеген мәліметті қайта сұрау арқылы нақтылау.
  

• 
  ресми және бейресми танысу, амандасу, қоштасу кезінде қолданылатын сөйлеу әдебі;
  
• 
  өтініш айтқанда қолданылатын сөйлеу әдебі;
  
• 
  кеңес беру кезінде қолданылатын сөйлеу әдебі;
  
• 
  құттықтау кезінде қолданылатын сөйлеу әдебі;
  
• 
  келісу, келіспеудегі сөйлеу әдебі;
  
• 
  ұсыныс айту, пікір білдіру сөйлеу әдебі;
  
• 
  таңдану, күдіктену, сенімсіздік білдіру кезінде қолданылатын сөйлеу әдебі формулалары.