Роскосмос геопорталы – жер бетінің ғарыштық суреттерін көруге арналған
құралды және Ресейдегі ең толық каталогты пайдалана отырып, ресейлік
спутниктерден қашықтықтан зондтау деректерін іздеу құралын біріктіретін
ресурс. Оның көмегімен пайдаланушы каталогта өзі тапқан мұрағаттық
деректерге тапсырыс беріп қана қоймай, қажетті параметрлерді орнату арқылы
жаңа түсірілімге тапсырыс бере алады.
Роскосмос геопорталының айрықша ерекшелігі ғарыш аппараттарынан
келетін деректерді жедел жариялау болып табылады. Геопорталда күн сайын
ресейлік «Resurs-P» және «Kanopus-V» спутниктерінен 50-ге дейін шолу
маршруттары орналастырылады.
Роскосмос геопорталының деректерінің негізгі тұтынушылары Ресей
Федерациясының Төтенше жағдайлар министрлігі, Табиғи ресурстар
министрлігі, Росгидромет сияқты мемлекеттік органдары болып табылады.*
Мемлекеттік органдармен қатар коммерциялық ұйымдар мен жеке тұлғалар
қашықтықтан зондтау деректеріне тапсырыс бере алады. Пайдаланушыға тек
қызығушылық аймағын таңдап, ғарыштық суреттер каталогы арқылы іздеу керек.
5 – сурет – Росғарыш геопорталы
Достарыңызбен бөлісу: |