Автотрансформатордың РПН құрылысы

1.3 Автотрансформатордың РПН құрылысы

Автотрансформатордың РПН құрылымы орта кернеу орамының желілік ұшында орналасқан (8.2 сурет). РПН құрылымының мұндай орналасуында жоғары және орта кернеулер орамдарының арасында трансформация коэффициенті өзгереді. Трансформация коэффициенті жоғары және төменгі кернеу орамдары арасында өзгермейді. Алдында автотрансформаторлардың РПН трансформаторлардікіндей бейтарапқа ендірілетін. Реттегенде трансформация коэффициенті барлық орамдар арасында өзгеретін. Мұнда төменгі және орта кернеулер жақтарында тұтынушылардың кернеулерін реттеу талаптарын үйлестіру қиын еді. РПН құрылымының орта кернеу орамының желілік ұшында орналасқанында төменгі кернеу орамы реттелмейтін болады. Егер автотрансформатордың төменгі кернеу орамын реттеу қажет болса төменгі кернеу орамымен тізбектеп желілік реттегішті қосады. Экономикалық жағынан қарағанда мұндай шешім автотрансформаторды екі РПН құрылымымен жасағаннан көрі тиімді болады.

1. 
   сурет – Активтік кедергілердегі РПН сұлбасы
   

Суретке сәйкес, жұмыс тогы тұйықталған түйіспе 1 және көмекші түйіспе 2 арқылы өтеді. Ауыстырып қосу келесі ретпен жүреді. а сатысынан в сатысына өткенде әуелі жұмыс түйіспесі 1 ағытылады, сосын - көмекші түйіспе 2. Жүктеме тогы R кедергісі арқылы өтеді. Доғасөндіргіш түйіспе 3 тұйықталады. Көпір пайда болады – теңестіруші ток екі R және R^’ активтік кедергі арқылы өтеді. Доғасөндіргіш түйіспе 3 ағытылады және жүктеме тогын оң иінге аударады. 2^’ және 1^’ түйіспелері тұйықталады. Жаңа жұмыс жағдайы пайда болады.