Клаус Шваб Төртінші индустриялық революция
жүктеу/скачать 4,97 Mb. Pdf көрінісі
|
Төртінші индустриялық революция (Клаус Шваб)
| РИЗАШЫЛЫҚ
Бəріміз , Бүкілəлемдік экономикалық форумға қатысушылар, халықаралық мемлекеттік -жеке ынтымақтастық ұйым ретінде төртінші индустриялық революцияның тегеурінін анықтайтын ғаламдық платформа ретінде қызмет етуге, сондай -ақ қажетті шешімдерді əзірлеуге көмектесетін серіктестермен, қатысушылармен жəне құрылтайшылармен ынтымақтастықта ғана өз жауапкершілігімізді жете түсінеміз. 2016 жылы Давос-Клостерсте өтетін жыл сайынғы форум кеңесінің тақырыбы төртінші индустриялық революцияға арналады. Біз осы тақырып бойынша барлық бастамаларға, жобалар мен саммиттерге сəйкес конструктивтік пікірталас пен серіктестік қағидаларын ұстанамыз. 2016 жылдың маусым айында Қытайдың Тяньцзин қаласында өтетін Бүкілəлемдік экономикалық форумның Жаңа көшбасшыларының жыл сайынғы кездесуі - ғылыми-зерттеу, технология, тауар-ақша қарым-қатынастарын дамыту, бақылау саласының көшбасшылары мен жаңашылдары үшін бір-бірімен кездесуге, төртінші индустриялық революцияны жалпыға ортақ игілікке айналдыру туралы идеялармен алмасуға мүмкіндік береді. Осы кітап технологиялық олқылықтардың мүмкін салдарын еңсеру үшін көшбасшыларды қажетті біліммен қаруландырып, əрекет етуге , сондай-ақ олардың саяси, экономикалық немесе əлеуметтік саладағы түсініктерін кеңейтуге көмектесетін оқу құралы жəне нұсқаулық болатынына сенімдімін . Бүкілəлемдік экономикалық форумға қатысушы əріптестерімнің көрсеткен қолдауынсыз бұл кітап дүниеге келмес те еді. Мен оларға зор ризашылығымды білдіремін . Маған зерттеу жүргізудің барлық кезеңінде жəне осы кітапты жазу барысында негізгі серіктес болған Николас Дэвиске, Тьери Маллерге жəне Мел Роджерске рақметімді айтамын. Сонымен қатар осы кітаптың нақты бөлімдеріне өз үлестерін қосқан əріптестерім мен барлық команда мүшелеріне шексіз ризамын. Бұл ретте экономика жəне қоғам тарауын жазуға көмектескен Дженифер Бланкке, Маргарете Држеник-Ханоуц пен Саадиа Захидиге; бизнес жəне өнеркəсіп тақырыбында жұмыс істеген Джим Хагеман Шнабеге; Марк Шпельманға жəне Брюс Вайнельтке ; қоршаған ортаны қорғау бөлімінің жұмысына қатысқан Доминик Вогрэйге ; мемлекеттік органдармен қарым-қатынас саласында көмек көрсеткен Хелена Лоранға; геосаясат жəне халықаралық қауіпсіздік тарауларына көмектескен Эспен Барт Эйде мен Ане Касперсенге жəне нейротехнология тақырыбы бойынша жұмыс атқарған Оливье Ульеге ерекше ризашылығымды білдіремін. Осы кітапты жазу барысында, Бүкілəлемдік экономикалық форумға қатысушылардың білімі , тəжірибелері мен дағдылары айқындалды. Сонымен қатар менімен онлайн режимінде тікелей араласу барысында өз идеяларымен бөліскен жандардың бəріне алғысым шексіз. Атап айтқанда, жаңа технологиялар бойынша жұмыс тобының мүшелері - Дэвид Гляйхер, Ригасу Ханзилакосу, Натали Хатур, Фулвии Монтресор, Оливье Вофрей жəне осы сұрақтарды тереңірек зерделеуде алтын уақыттарын бөлген Чидиого Акуньили, Клаудио Кокороччиа, Нико Дасвани, Мехрану Гулу, Алехандре Гузман , Майку Хэнли, Ли Ховеллу, Джереми Юргенсу, Бернис Ли, Алану Маркусу, Адриану Монку, Томасу Филбеку жəне Филипу Шетлер-Джонсуге деген ықыласым ерекше . Маған төртінші индустриялық революция туралы түсінігімді қалыптастыруға көмектескен Бүкілəлемдік экономикалық форумның барлық қатысушыларына айтар алғысым шексіз. Технологиялық инновациялардың əсері мен маңызды тегеуріндеріне қатысты идеяларыма қолдау көрсеткен Эндрю МакАфи мен Эрик Бринйолфссонға, сондай -ақ табысқа кенелу жəне төртінші индустриялық революцияны жалпыға ортақ игіліктерге бағыттау жолында, онда біздің басты құндылықтарымызға негізделген сценарийлерді əзірлеудің қажет екенін баса айтқан Деннис Сноуэр мен Стюарт Уоллеске ерекше ризашылығымды білдіремін. Сондай -ақ Марк Беньоф, Кэтрин Босли, Жюстине Кассель, Мариэтте Ди Кристина, Мюрали Дорайсвами, Ните Фарахани, Зеву фурсту, Ник Гоуинг, Виктор Хальберштадт, Кену Ху, Ли Занг-Юп, Алессио Ломуссио, Джек Ма, Эллен Макартур, Питер Маурер, Барнард Мейерсон, Эндрю Мейнард, Уильям Макдон, Джеймс Муди, Эндрю Мур, Майкл Осборн, Фионе Пауа Шваб, Фейке Сийбесма, Вишал Сикка, Филип Синклер, Хилари Сатклиф, Нине Тэндон, Фариде Вис, сэр Марк Уолпорт, Алекс Вайят жəне хат алысқан жəне осы кітапты жазу барысында сұхбат берген баршаңызға алғыс айтамын. Бүкілəлемдік экономикалық форумның Халықаралық сараптық кеңесінің қауымдастығы мен Болашақтың мəселесін талқылауға бағытталған қауымдастықтар осы тақырып аясында кітап жазу үдерісіне белсенді түрде араласты. Осы мəселеге қатысты көптеген материал ұсынды. Халықаралық сараптық кеңестің қоғам, көші-қон жəне болашақ қалаларға қатысты бағдарламалар жасаудағы рөлін ерекше атап өткім келеді. 2015 жылы Абу-Дабиде өткен Саммит кезінде күн тəртібіндегі осы ғаламдық тақырып бойынша өз пікір-көзқарастарымен бөліскен тамаша көшбасшыларға, сондай-ақ ынтымақтастық пен білім алмасу мақсатында Бүкілəлемдік экономикалық форумда құрылған TopLink виртуалды платформасын пайдалана отырып, өз идеяларымен бөліскен Global Shapers, Young Global Leaders жəнe Young Scientists қоғамдастықтарының мүшелеріне де айтар алғысым ұшан-теңіз. Редакциялау жұмыстарымен айналысқан Алехандро Рейеске, дизайнмен жұмыс істеген Скотт Дэвидке жəне макеттерді əзірлеу мен жариялауға қосқан үлесі үшін Камал Кимауиге де алғыс айтамын. Осы кітапты 2016 жылдың жылдық кеңесін өткізу мерзіміне дайын болу үшін оны кем дегенде үш ай бұрын əлемнің түрлі елдерінде тұратын адамдармен бірлесе жазып бітіру керек болды. Бұл, шын мəнінде, төртінші индустриялық революцияның күннен-күнге қанат жайып келе жатқанын көрсетеді. Сайып келгенде, сіздерге, менің оқырмандарыма , менімен бірге осы ағынға ілескендеріңіз үшін, əлемді кемелдендіру мүмкіндігіне деген берік сенімдеріңіз үшін ризашылығымды білдіремін. жүктеу/скачать 4,97 Mb. Достарыңызбен бөлісу:
|