2. Мәтін бойынша тапсырмалар. 1. Мәтінді өз сөзіңізбен айтып беріңіз.
2. Мәтін бойынша бірнеше сұрақтар дайындаңыз.
3. Жаңа сөздерін жаттап алыңыз.
3. Мәтінді оқып, аударыңыз. Тоғызқұмалақ Тоғызқұмалақ – қазақ халқының ертеден келе жатқан есеп ойыны. Бұл
ойын тақ сандар мен жұп сандардың өзара тартысына құралған. Бұл күндері
тоғызқұмалақ ойыны арнайы тақтада ойналады. Бұл тақтаның ойылып
жасалған он сегіз ұясы – шұңқыр бар. Мұны тоғызқұмалақ тілінде «отау»
деп атайды. Әр бір ойыншының тоғыз-тоғыздан отауы, құмалақ жинайтын
бір-бірден «қазаны» болады. Отаулар тоғыз-тоғыздан қарама-қарсы түске
боялып қойылады. Мысалы, қызыл мен көк, ақ пен қара. Отаулардағы
құмалақтардың барлығы да тоғыз-тоғыздан болады, яғни тақ сандар. Ойын
осы тақ сандармен басталады. Қай түсті тақтаны қай ойыншының
иемденетіндігі жеребе арқылы шешіледі. Ойыншы солдан оңға қарай кез-
келген отаудан бастап жүреді. Сөйтіп, ойын жалғасады. Тоғызқұмалақ ойыны,
негізінен, Орталық Азияда кеңінен тараған. Қазақ пен қырғыз мемлекеттерінде
республикалық, халықаралық жарыстар өтіп жүр. Қазіргі уақытта бұл ойын
жақсы дамып келеді. (Мұса А.О. Төленов І.М. «Қазақ тілі»)
