Коучингтің жоспары: Тақырыбы: Проблеманы анықтау және зерттеу сұрағын құру – іс-әрекеттегі зерттеуді тиімді өткізудің кепілі.
Мақсаты: : Іс-әрекеттегі зерттеуді жүргізу нәтижесінде мұғалімдердің кәсіби біліктілігін дамыту.
Күтілетін нәтиже: 1. Мұғалімдер іс-әрекеттегі зерттеу жолдарын біледі. 2. Іс-әрекеттегі зерттеу жүргізуді сауатты жоспарлай алады.
Мақсатты аудитория: Аудандық "Батыс Құлан" қоғамдастығының мұғалімдері.
Әдіс-тәсілдер: "Ой қозғау", "Үш жұлдызша", топтық жұмыс, кері байланыс «Координаттар жүйесі», постер қорғау, «Дұрысын тап».
Құрал-жабдықтар: Слайдтар, қорапшалар, қима қағаздар, жоспар үлгісі, А3 қағаздары, маркерлер, цитаталар жазылған қағаздар.
Коучингтің өткізілу барысы:
Кіріспе бөлім 5 мин Ұйымдастыру кезеңінің мақсаты: Коучинг тақырыбы мен мақсатын таныстыру. Ынтымақтастық атмосферасын құрып, қолайлы психологиялық хал- ахуал орнату.
Міндеті: Қатысушылардың зейінін аудару, жақсы көңіл күймен жұмыс жасауына ықпал ету.
Әдістері:Әңгімелесу, ой түрткі, қатысушыларды өзіне жақын тарту.
1. Әріптестермен сәлемдесу.
2. Коучингтың тақырыбы мен мақсаты баяндалады.
3.Іс-әрекеттегі зерттеу жайлы айтылған нақыл сөздердің авторларына қарай топқа бөлу.
4. Қолайлы психологиялық атмосфера қалыптастыру үшін “Үш жұлдызша” әдісі бойынша семинарға қатысушы мұғалімдер өздерін таныстырады және жақсы бір тілек тілейді.
Бұл жаттығулардың мағынасы- топтағы адамдардың бір-біріне сенімділігі, сыйластығы артады, себебі сыныпта іс-әрекеттегі зерттеу жайлы жұмыс жасау үшін, әрине өзара сенімділік пен таныстық керек.
Семинарға қатысушылар кезекпен үш жұлдыздың кескінін басып өтеді: 1-жұлдызда аты-жөнін айтады, 2-жұлдызда қай мектептен келгенін және қай біліқтілік деңгейді аяқтағанын айтса, 3-жұлдызды басып өткенде бір әдемі тілегін айтады.
