Бұл кезеңде басшы болашаққа бағдарды негіздеп ұсынушы ретінде бастаманы өз мойнына алады. Ол мынадай мәселелерді шешуі тиіс:
миссияны әзірлеуге кім қатысады: басшы өз мамандарының күш-жігерімен ғана шектеледі бе, әлде сыртқы сарапшылардың, ата-аналардың, жоғары деңгейдегі басшылардың және т.б. көмегі қажет бола ма;
миссияны әзірлеу процесі қалай ұйымдастырылады;
жұмыс тобына кімдер кіреді;
миссия әзірлеу процесін кім үйлестіреді;
қолда бар ресурстар қандай: уақыт, ақша, кадрлар және т.б.;
бұл жұмыстың қалай ұйымдастырылатыны туралы ақпарат қызметкерлердің барлығына қалай жеткізіледі.
Бұл кезеңнің нәтижесінде миссияны құру бойынша жұмыс ЖОСПАРЫ әзірленеді.