Методические рекомендации по конкурсу «лучший педагог»

13 
– педагог-қатысушы, мектептің басшылығы, әдістемелік кабинет/орталық 
қызметкерлері өз жұмысын сапалы және жауапты жүргізген жағдайда ғана 
жыл сайын республикалық деңгейде болмаса да, өңірлік деңгейде жеңімпаздар 
шығаруға болады. Соңғы екі тарап педагогтердің бойында үнемі өзін-өзі 
жетілдіру, ұдайы білім алу мен іздену мәдениетін қалыптастыруда үлкен рөл 
атқарады. Осындай мәдениет қалыптасқан педагогтің кез келген конкурста ғана 
емес, санатын көтеруде де табысты болатындығы анық.
Конкурстың жеңімпазы болу тек педагогтің ғана емес, сол педагог еңбек 
ететін білім беру ұйымы басшылығының жұмысының сапасын көрсетеді. 
«Мектепке дейінгі тәрбие мен оқытуды, бастауыш, негізгі орта және жалпы 
орта білімнің жалпы білім беретін оқу бағдарламаларын, техникалық және 
кәсіптік, орта білімнен кейінгі, қосымша білімнің білім беру бағдарламаларын 
және арнайы оқу бағдарламаларын іске асыратын білім беру ұйымдарында 
жұмыс істейтін педагогтерді және білім және ғылым саласындағы басқа да 
азаматтық қызметшілерді аттестаттаудан өткізу қағидалары мен шарттарын 
бекіту туралы» № 83 бұйрықта мектеп басшыларының еңбегін бағалаудың бір 
критерийі ретінде сол білім беру ұйымынан шыққан санаты жоғары педагогтер 
саны да есептеледі. Сондықтан педагог-шебер және үздік педагогтердің жиі 
шығуы мектептегі дұрыс менеджмент қалыптасқандығының айғағы ретінде 
директор мен оның орынбасарларының санаттарын көтеру барысында
қарастырылады.
Пән бойынша, жалпы, өңірден үздіктердің көптеп шығуы жауапты 
әдіскердің де еңбегінің сапасын көрсетеді. Себебі сапалы әдістемелік қолдаусыз 
бәсекелестігі жоғары Конкурста жетістікке жету қиын. Сондықтан әдістемелік 
кабинеттер/орталықтар қызметкерлері, оның ішінде пән бойынша жауапты 
әдіскерлер, білім беру ұйымының басшылары және әдістемелік бірлестік 
жетекшілері үнемі талдау жасап, байқауға қатысушылардың сапалық құрамын 
жетілдіруге қатысты жұмыс жасауы тиіс. Әр әдіскер талдауды келесі 
көрсеткіштер бойынша жасауы мүмкін: 
1)
Пән бойынша жеңімпаздар саны; 
2)
Оқыту тіліне қатысты талдау (артықшылығы, айырмашылығы); 
3)
Пән бойынша педагогтердің қызығушылығы, белсенділігі; 
4)
Пән бойынша педагогтердің белсенділігінің төмендігі, оның 
себептері; 
5)
Пән бойынша педагогтердің қатысуы.
Әдістемелік кабинеттер/орталықтар әдіскерлері жыл сайын Конкурс 
қорытындысы бойынша талдау жасап, жеңімпаз болуға қандай шарттар ықпал 
етті, кедергі жасаған факторлар туралы рефлексия жасағаны орынды. Бұл өз 
кезегінде алдағы жылдары жұмыс сапасын арттыруға алып келеді.
Сонымен қатар, әдіскерлер конкурс жеңімпаздарының тәжірибесін 
таратып, олардың өзге әріптестерімен тәжірибесімен бөлісуін ұйымдастыруы 
өзекті. Бұл басқа педагогтерді ынталандыруға, конкурстың процедуралары 
туралы практикалық ақпарат алуына мүмкіндік береді. 

жүктеу/скачать 2,33 Mb.

Достарыңызбен бөлісу: