Модуль 03: «Физхимиялық талдау»

Молярлық концентрация деп ерітіндінің 1 литрінде еріген заттың зат мөлшерін көрсететін шаманы айтады (өлшем бірлігі моль/л).

Нормальдық концентрация (моль-эквиваленттік) ерітіндінің 1 литрінде еріген заттың моль-эквиваленттерінің санын көрсететін шаманы айтады. (өлшем бірлігі моль-эквивалент/л).

Моляльдық концентрация деп еріткіштің 1000 грамында еріген заттың зат мөлшерін көрсететін шаманы айтады (өлшем бірлігі моль/1000 г еріткіш).

Молярлық (мольдік) үлес немесе молярлық пайыз ерітіндінің жалпы моль санының қанша бөлігін еріген зат (немесе еріткіш) құрайтындығын көрсетеді. Егер еріткіштің моль санын n_a деп, ал еріген заттың моль санын n_b деп белгілесек, онда еріген заттың молярлық үлесі:

ал еріткіштің молярлық үлесі:

Қосындысы N_a + N_b =1.

Молярлық үлесті 100 есе арттырғанда молярлық пайыз деп аталады.
Кесте 3 - Ерітінділер концентрацияларын бір түрден екіншісіне айналдыру

формулалары

ρ – ерітіндінің тығыздығы, г/см³;

М_з – еріген заттың мольдік массасы, г;

Э – еріген заттың эквиваленттік массасы, г.

Есептер шығаруда келесі анықтамаларды қолдану пайдалы:

1. Қышқыл эквиваленті = Қышқылдың мольдік массасы / Сутек атомдар саны.

2. Негіз эквиваленті = Негіздің мольдік массасы / Гидроксил топ саны.

3. Тұз эквиваленті = Тұздың мольдік массасы / n · Z,

мұндағы n – металл иондары саны;

Z – металл ионының заряды.