Жасыл эвглена мен вольвокстың айырмашылықтары мен ұқсастықтарын түсіндіріңіз

Талшықтыларға 6000-дай түр жатады. Олар көбінесе сулы ортада өмір сүреді. Және адам немесе жануарлар денесінде паразит ретінде тіршілік етіп, түрлі қауіпті ауруларды туғызу қабілетіне ие. Талшықтылардың құрылысындағы ерекшеліктерді сипаттау үшін жасыл эвглена мен вольвоксты салыстыруға болады. Екеуінің де тіршік ортасы: тұщы су қоймалары немесе теңіздерде. Жасыл эвглена бір жасушалы, пішіні сүйір жапырақ тәрізді. Денесінің алдыңғы бөлігі доғал, арты сүйір. Дене пішінін сақтайды, цитоплазма, ядро, қызыл көзше, хлоропласттары және 1 талшығы бар. Ал вольвокс шар тәрізді колониялы, жасыл түсті. Қызыл көзшеесі, хлорофилдері, цитоплазма, ядро, және 2 талшығы бар. Екеуінің де қоректенуі миксотрофты. Жасыл эвглена бүкіл денесімен судағы еріген оттекті сіңіріп тыныс алып, жиырылғыш вакуолі арқылы зәр шығарады. Вольвокста тыныс алу мен зәр шығару процестері жиырылғыш вакуолімен жүзеге асады. Екеуінің де қызыл көзшесі болады, және сол арқылы жарықты сезеді. Жасыл эвглена тек ұзынынан тік екіге бөлініп көбейетін болса, вольвокс жыныссыз, палинтомия жолымен, жынысты жолмен көбейеді. Генеративті клеткалардан пайда болган гаметалардан зигота пайда болады. Сонымен қатар қолайсыз жағдайда жасыл эвглена циста түзуге қабілетті.

2-Блок