АЛБАН АСАН Барманбекұлы (1866. Алматы обл. Райымбек ауд. Үшқақпақ қыстағы - 1916.
сон-да) - ақын. Өз сөзіне қарағанда өлең жазуды кеш бастаған. І.Жансүгірұлы Асанның "Жеті қисса"
дейтін толғауларын алғаш жазып алып, "Жаңа мектеп" журналында (1926. №9-10) жариялады.
Кейін "Ақырзаман" атты жеке жинағын шығарды (1934). Өзге аттас ақындардан ажырату үшін
Албан Асан атаған Ілияс болатын. Ақын өлеңдері негізінен өз заманының әлеум. тіршілігін, елдің
мұң-мұқтажын жырлауға арналған. А. шығармалары мерзімді баспасөз беттерінде, "Әлем"
альманағында (1991), "Қазақ поэзиясының антологиясы" жинағында жарияланған (1993). Жарық
көрмеген шығармалары Орт. ғыл. кітапхана мен Әдебиет және өнер ин-тының қолжазба және
мәтінтану бөлімінде сақтаулы.
