жылжымалы және (немесе) жылжымайтын мүлік кепілі туралы шарт, кепілдік міндеттеме және өзге де келісімдер, Лизинг беруші Лизинг алушының міндеттемелерінің орындалуын өзге де қамтамасыз етуді оның шеңберінде қабылдайтын құжаттар;
Қосымша шығындар
Шартта көрсетілген Шығындарды қоспағанда, Лизинг беруші жүргізген, Лизинг алушы өтеуге жататын, ҚҚС сомасына ұлғайтылған төлемдер және (немесе) шығыстар (егер қосымша шығыстар Қазақстан Республикасының қолданыстағы заңнамасына сәйкес ҚҚС салуға жататын болса), соның ішінде:
1) аккредитивтерді ашу және жүргізу жөніндегі шығыстар, Лизинг берушінің қаражаты есебінен САСШ/банк комиссиялары бойынша төлемнің толық не ішінара сомаларын Лизинг берушінің айырбастау не Лизинг алушының қатысуы, өзге де банк комиссиялары мен алымдар бойынша туындайтын комиссиялар14;
2) Түпкілікті құнға енгізілмеген барлық шығыстар;
3) Алып қою актісіне қол қойғанға дейін Бағалаушының, техникалық аудиттің, консалтингтік, күзет, сақтандыру компанияларының қызметтеріне ақы төлеу жөніндегі шығыстар (Лизинг беруші Лизинг нысанасын сақтандырған және (немесе) Қамтамасыз ету кезінде);
4) Лизинг беруші қызметкерлерінің және ол тартқан адамдардың іссапар шығыстары;
5) автокөлікті іздестіру, тасымалдау, жеткізу, сақтау, жалға алу және Лизинг нысаналарының/Кепіл нысаналарының мониторингіне және/немесе берілген қамтамасыз етуге және кепілдік мүлікті сатуға, Лизинг алушының/Кепілгердің/Кепіл берушінің берешегін өндіріп алуға, сондай-ақ өзге де іс-шараларды, оның ішінде сот және өзге де шығыстарды қоса алғанда, талап-арыз сипатындағы іс-шараларды өткізуге байланысты өзге де шығыстар (мемлекеттік баж, сараптама өкілдердің/консультанттардың қызметтеріне ақы төлеу және т. б.);
6) барлық операциялық, почта-телеграф шығыстары, құжаттарды нотариалдық куәландыру жөніндегі шығыстар;
7) Лизинг беруші жүргізген Шарт бойынша Лизинг алушы төлемеген төлемдер/шығыстар;
8) Лизинг алушы қызметкерлерінің және (немесе) Лизинг алушы Шарт жасасқан және (немесе) Лизинг берушінің мүдделерін білдіретін тұлғалардың іс-әрекеттері/әрекетсіздіктері нәтижесінде шарт, САСШ және Шарттың туындау уақытына қарамастан оны орындау үшін жасалған өзге де шарттар бойынша Лизинг берушіге қатысты уәкілетті органдар, ұйымдар қолданған айыппұл санкциялары;
9) импортқа ҚҚС сомасы мен мерзімінен бұрын өтеу кезінде төленген ҚҚС сомасы арасындағы оң айырма сомасы;
10) ________ (Уәкілетті органның шешіміне сәйкес Лизинг берушінің өзге де шығыстары). Қосымша шығыстар Лизинг алушыға Лизингтік мәмілені одан әрі өткізуден бас тарту үшін негіз бола алмайды.
Берешек
Лизинг алушы Шарт, Қамтамасыз ету жөніндегі құжаттар және өзге келісімдер бойынша қабылдаған ақшаны төлеу немесе қайтару жөніндегі кез келген міндеттеме, оның ішінде, егер олар бойынша шығыстарды Лизинг беруші өтесе, Индекстеу коэффициентін15 ескере отырып, Лизингтік төлемдер, Қосымша шығыстар, тұрақсыздық айыбы (айыппұл, өсімпұл), шығындар мен өтелмеген салықтар сомасын қоса алғанда, бірақ олармен шектелмей;
Шығындар
Лизинг нысанасын сатып алу үшін қажетті ақша қаражатының сомасы және Шартқа сәйкес мақсаты бойынша пайдалану үшін Лизинг нысанасын сатып алумен, жеткізумен және жұмыс жағдайына келтірумен тікелей байланысты кез келген басқа шығыстар;
