| 1. Оқу процесін ұйымдастыру. Кафедра факультеттер мен курстардағы сабақ кестелеріне, оқыту формаларына сай оқу процесін жоспарлайды және ұйымдастырады. Білім беру процесінің формаларын жетілдіреді. Студенттердің үлгерімінің ағымдағы бақылауын сабақ кестелеріне сай жүргізеді. Білім алушылардың аралық бақылауы оқу жоспарына, академиялық күнтізбеге және оқу бағдарламаларына сай жүргізіледі.
2. Білім беру процесін ақпараттық қамтамасыз ету. Силлабустардың электрондық нұсқасы студенттерге кафедрада және «Платонус» жүйесі мен Moodle платформасы арқылы ұсынылады. Кеңес берулер кестелері, ҒСҚ жүргізу кестелері, кафедра қызметкерлерінің жұмыс кестелері кафедраның ақпараттық стенділеріне ілінеді. Білім алушыларды уақтылы хабардар ету мен рейтингтік бағалары туралы ақпарат ОПҚ тарапынан сабақтар кезінде беріледі.
3. Білім алушыларға қойылатын талаптар: Студенттердің практикалық сабақтар мен дәрістерге қатысуы міндетті. Киім үлгісі ішкі нормативтік талаптарға сай. Жіберілген сабақтардың өтелуі өтем сабақтарын тіркеу журналында тіркеледі. Жіберген сабақтарына өтем жасамаған білім алушылар, аралық бақылау тапсыруға жіберілмейді. өтем жасағаннан кейін аралық бақылауға деканаттың рұқсат қағазымен жеке кесте бойынша жіберіледі. өтем жасамаған немесе жіберілу рейтингін ала алмағандары аталмыш пәннен қорытынды бақылау тапсыруға жіберілмейді.
*Барлық талаптар Университеттің Академиялық саясатына, Білім алушылардың Ар-намыс Кодексіне, Академиялық адалдық кодексіне, Университет Жарғысына қатаң сәйкестендірілуі тиіс.
Достарыңызбен бөлісу: |
