Гельминтология көне грек сөздерінен құралған: helmins – құрт, logos – ілім. Паразит құрттар, яғни гельминттер және олар қоздыратын аурулар – гельминтоздар жайындағы ғылым. Гельминттерді ертеректе «глист» деп те атаған. Кейіннен академик К.И. Скрябиннің ұсынысы бойынша «глист» деген сөз «гельминт» деген атауға ауыстырылған.
Гельминтология паразит құрттардың қандай ауру тудыратынын, оныңтіршілік ететін ортасын, адамға, малға, өсімдікке келтіретін алуан түрлі зиянын, емдеу жолдарын, күрес шараларын зеттейді. Бұл ғылым медициналық, малдәрігерлік және агрономиялық болып үш салаға бөлінеді.
ІІ. Негізгі бөлім
Гельминтоз ауруын дұрыс анықтап білсе, малды емдеуге және оны дерттен тез жазуға мүмкіншілік туады. Демек, гельминтоз түрі дәлелденген соң ғана, індеттің мал арасына одан әрі таралуына жол бермеуге болады.
Диагноз қою үшін әуелі жануарлардың қашан кеселге шалдыққанын, дерттің қандай белгі бергенін, қандай жем – шөп жегенін, жайылымын, суатын, мұндай дертпен түліктің бұрын – соңды ауырған – ауырмағандығын, бірден қанша бас дертке шалдыққанын сұрастырып біледі. Осыдан кейін малға азыққа тәбетіне, жүріс – тұрысына назар аударады.
Іш құрттар ауруларын анықтаудың өзіндік ерекшелігі бар. Гельминттер дене мүшелері мен ұлпалардан табылса да, жануар гельминтозға ұшыраған деп кесіп айтуға болмайды. Іш құрттар ауруларын жануардың тірі кезінде және мал өлген соң анықтайды.
