Құрттар өздерінің әр түрлі өсіп, өну сатысында хайуанаттардың күллі мүшелері мен ұлпаларында кездеседі. Ал оларды іздеп табу үшін өлген малды сойып, ішін жарып, ағзаларын паталогоанатомиялық, гельминтологиялық тәсілдерімен зерттейді.
Гельминтологиялық толық жарып тексеру (ГТЖТ)әдісін ұсынған К.И.Скрябин. Бұл ідңс мал денесіндегі барлық құрттар ды қалдырмай жинап алуға мүмкіндік береді, өйткені мүше жүйелері түгелімен тексеріледі.
Алдымен жануардың терісі алынады, оның шелін қарап шығалды, сонан соң, құрсақ қуысы мен көкірек сарайын жарып ашады, асқорыту мүшелері, сондай – ақ, өкпе көмей – кеңірдегімен бірге, жүрек қолұасымен, бүйректері несеп түтіктерімен тұтас, қуық, жыныс ағзалары алынып, зерттелінеді.
Гельминтологиялық бөлшектеп жарып тексеру (ГБЖТ)әдісімен ірі малды зерттеу қолайлы. Оның көмегімен жануардың көптеген жеке ағзаларын жарып қарағанда көзге айқын көрінетін кесек гельминттерді тауып, аз көптігін ғана шамалауға болады. Ғалымдар, мал дәрігерлері аталған тәсілді көбінесе өндірістік – шаруашылық жағдайында жүргізеді, диагноз қоюға керекті құрттарлы жинағанда қолданылады. Дерттің себебін анықтауда гельминттердің түрімен, санымен ғана шектелмей, ұлпа мен мүшелердегі патоморфологиялық өзгерістердің қандай деңгейде екеніне назар аудару қажет. Жануардың неден өлгенін бірумен қатар, денесінен қандай, қаншама құрт табылғанын ескеріп, шынайы гельминтозды гельминт тасушылардан ажыратып отырады.
Жеке мүшелерді ГБЖТ әдісі мал дірңгерлік тәжірибеде жиі қолданылады. Себебі ол басқа арнайы тәсіл пайдаланбай – ақ қайсыбір көзге ілінерлік құртты табуға негізделген.
ІІІ. Қорытынды
Гельминтология – тоғышар құрттар мен олардың адам, жануар және өсімдіктерде тудыратын ауруларын зерттеумен шұғылданатын ғылым саласы. Паразитологияның мақсаты:гельминттердің морфологиясын, физиологиясын, экологиясын және даму биологиясын зерттеу, індеттанулық ерекшеліктерін анықтау, малдың тірі және өлгеннен соң анықтау әдістерін жетілдіру, емдеу және дауалық мақсатта қолданылатын тиімді препараттарды ұсыну.
