Қосымшалардың жалғануы

• Зат есімжәне оның лексика-грамматикалық сипаты
• Зат есімнің семантикалық топтары
• Көмекші есімдер, қызметі
• Зат есімнің грамматикалық категориялары

Пайдаланатын әдебиеттер:
1. Қазақ грамматикасы (фонетика, сөзжасам, морфология, синтаксис). - Астана: Астана полиграфия, 2002. - 783 б.
2. Қасабек Қ., Мұхамади Қ. Қазіргі қазақ тілі /морфология/. Алматы, 2004.
3. Момынова Б. Қазіргі қазақ тілінің морфологиясы. Есімдер. Алматы, 2014
4. Оразбаева Ф., Сағидолда Г., ...Қазіргі қазақ тілі. – Алматы, 2005. – 535 б.
5. Сыздықова Г. Қазіргі қазақ тілі морфологиясы. Алматы, 2012
6. Оралбай Н. Қазіргі қазақ тілінің морфологиясы. – Алматы: Қайнар, 2007. – 390 б.
7. Ысқақов А. Қазіргі қазақ тілі. – Алматы: Ана тілі, 1991. 384 б.
8. Исаев С. Қазіргі қазақ тіліндегі грамматикалық ұғымдар. – Алматы: Ана тілі, 1992. – 144 б.

Зат есім

Грамматиканың морфология саласының теориялық әрі практикалық жағынан маңызды мәселелерінің бірі - тілдегі сөздерді сөз таптарына қарай бөлу, лексика-грамматикалық сипатын айқындау.

Қазақ тіліндегі сөздер семантикалық және морфологиялық белгілеріне қарай түрліше топтастырылады. Мұндай көзқарастар грамматикалар мен А.Байтұрсынұлы, Қ.Жұбанов, А.Ысқақов, Н.Оралбай, т.б. ғалымдар зерттеулерінде кездеседі.

• Сөз таптарының ішінде семантикалық сипаты, грамматикалық құрылысы, синтаксистік қызметі жағынан ерекшеленетін негізгі өз таптарының бірі - зат есім. Зат есім - бізді қоршаған ортадағы түрлі жанды, жансыз заттардың, заттық ұғымдар мен түрлі құбылыстардың, оқиғалардың атын білдіретін есім сөз таптарының бірі. Зат есімнің басқа сөз таптарынан ерекшелігі: олар лексика-семантикалық жағынан тек заттардың атын ғана білдірмей, сонымен қатар сапалық, қимылдық, мезгілдік мәнді әртүрлі атаулардың да атын білдіреді: жақсылық, тоқшылық, оқу, көсеу, оймақ, т.б.
• Қазақ тілінде зерттеушілер зат есімдерді бірнеше мағыналық топтарға бөліп, соның негізінде оның грамматикалық сипатын анықтайды.