| 1. Ар , намыс, абырой деген сөздерге түсініктеме беріңіз.
2. Адамның ары мен абыройына нұқсан келген жағдайларға мысал келтіріңіз.
3.Тыңдайық және жазайық! Бірнеше мысалды тыңдап, түсінгеніңізді жазыңыз.
4. Халықаралық құқық қорғау органдарын атап шығыңыз.
5. Қазақстанның қазіргі Конституциясы қандай бөлімдерден тұратынын, ал бөлімдерде не тұжырымдалғанын қысқаша дәптерлеріңізге жазып қойыңыз.
6. ҚР азаматтары өз міндеттерін қалай өтеп жүргені туралы өз пікіріңізді ортаға салыңыз.
ХVІ Халықаралық қатынастар
1– сабақ
Қазақстанның дипломатиясы (1)
1. Сұрақтарға жауап беріңіз
1) Тәуелсіз Қазақстанның сыртқы саясаты қалай қалыптасты?
2) Қазақстан Республикасы дипломатиясының негізгі бағыттары қандай деп ойлайсыз?
2. Жаңа сөздермен танысыңыз. Мына сөздердің мағынасын білесіз бе?
Көкейкесті, кеудемсоқтық, кепілдік, міндеттеме, ынтымақтастық, құбыр, мүдделік, әріптестік, денсаулық сақтау, ықпалдастық.
3. Сөйлемдерді оқыңыз. Қарамен берілген сөздерге мағынасы жақын сөздерді белгілеңіз.
1) Жаһандану кезеңінде кез келген мемлекет көкейкесті (өзекті, үлкен) халықаралық проблемаларды шешуге ат салысу керек.
2) Қазақстан ядролық қарудан бас тарту арқылы жетекші ядролық мемлекеттер тарапынан өзінің қауіпсіздігіне кепілдік (жауап, кепілдеме) алды.
3) Қазақстан сыртқы саясатының негізгі бағыттарының бірі – Ресеймен ынтымақтастықты (қызметтестікті, достықты) нығайту.
4) Қазақстаннан Қытайға тартылатын мұнай және газ құбырларын салуға екі жақты мүдделім (сүйіспеншілік, қызығушылық бар).
5) ҚазақстанАҚШ-пен демократиялық әріптестікті (серіктестікті, татулықты) дамытуды көздейді.
6) Қазақстан экономикалық, экологиялық, әлеуметтік салардағы байланыстарды дамыту мақсатында АҚШ әкімшілігімен өзара ықпалдастық (өзара ықпал, қысым) аспектілеріне маңызды орын береді.
Достарыңызбен бөлісу: | 
