Оқу (тілдік) практикадан өткендігі туралы есеп Практиканың мақсаттары мен міндеттері

Педагогикалық (тілдік) практика студенттің маман болып жетілу жолындағы ең маңызды практикаларының бірі. Тілдік практиканың мақсаты - оқу пәні бойынша білім алушыларда ауызша және жазбаша аударма дағдыларын қалыптастыру;іскерлік қабілетті ояту;студенттердің педагогикалық құзіреттілігін қалыптастыру. Міндеттері теориялық және практикалық білімдерді нығайту;оқу бойынша жаңартылған білім беру бағдарламасындағы критериалды бағалау жүйесін түсініп,қолдана білуін қамтамасыз ету;студенттердің бойында жаңартылған білім беру бағдарламасын іске асыру үшін қажетті дағдыларды қалыптастыру.

Оқу (тілдік) практикада біз аударма сөздердің ауызша және жазбаша негіздерімен көбірек таныстық, химия мұғалімдігі мамандығымыз бойынша сөздік қорымызбен, теориялық және практикалық білімдерімізді бекіттік. Жалпы бұл оқу (тілдік) тәжірибеде біздер ағылшын тілінің рөлін,сонымен қатар қалыптастырушы бағалау жүйесінің алгоритмін,оқушымен мұғалім арасындағы қалыпты қарым-қатынастың қандай болатынын үйрендік. Тәжірибе сабақтар барысында біз тек қана химияны тілмен ғана байланыстырып қана қоймай,кәсіби даярлығымызды және де химия саласында кәсіби сапамызды арттырдық.

Практика барысында оқу материалдарына баса назар аударылды. Соның қатарында периодтық заң, химиялық байланыс түрлерінің ковалентті, металдық, сутектік, иондық байланыстар, металдар мен бейметалдар болды. Оқу (тілдік) практикасының арқасында 8-9 сынып оқу материалдарын сабақ беру барысында толықтай қолдана аламыз деген ойдамын.

Мен практика нәтижесінде химияны көп тілділік соның ішінде ағылшын тілінде білім беру үшін ағылшын тілін үйренуге үлкен мән беру керек қорытындыға келдім. Жалпы қорытындылай келе практика соңында педагогика саласына одан әрі қызығушылығым артты, және алдағы уақытта осы сала бойынша еңбек етемін дегім келеді.