Оқулық Қазақстан Республикасының Білім және ғылым министрлігі бекіткен Алматы, 2011 ббк 74. 00 Б 29
жүктеу/скачать 1,04 Mb.
|
ворд турде bahisheva-ped-jobalau
- Бұл бет үшін навигация:
- 2. Жобалаудың теориялық негіздері
| Тақырып бойынша сҧрақтар:
Жобалаудың пайда болуы және эволюциясы. Жобалаудың әлеуметтік– мәдени қызметі. Жобалаудың универсалдық қызметін мысалдар арқылы дәлелдеп кӛріңіз. Жобалау мен ғылыми зерттеудің ӛзара байланыстылығы. Күрделі жүйелерді дамытуды жобалау қызметі негізінде ұйымдастырудың алғы шарттары Әлеуметтік жүйелерді дамытудағы адами ресурстардың маңызы. Жобалау неліктен «технологиялық универсум» ретінде жоғары бағаланады? Г.Маркузенің «трансцеденттік жобалау» тұжырымдамасының мәнін түсіндіріңіз? Ұйымның эволюциялық дамуы мен оны жобалау арқылы дамытудың айырмашалығы неде? А. М. Новиков ұсынған жобалау түрлерінің классификациясын талдаңыз. Жобалау логикасына сай жобалық, технологиялық, рефлексиялық кезеңдерді ретімен пайдалана отырып, белгілі бір мақсаттағы жобаның нобайын жасаңыз. Осы тарауда алған ақпараттарға сүйене отырып «жобалау» ұғымына ӛз анықтамаңызды беріп кӛріңіз және оны дәлелдеңіз. Анықтамалар мен энциклопедияларды пайдалана отырып, «жобалау» ұғымына қатысты глоссарий құрастыруды бастаңыз, оған қандай терминдер ендіретініңізді белгілеңіз. (мысалы: универсум, трансценденттік, технология, рефлексия, т.б. ) 2. Жобалаудың теориялық негіздері Жобалаудың философия, мәдениеттану, әлеуметтану және психология ғылымдарының әдіснамасында орын ала бастауы оны гуманитарлық тұрғыдан қарастыруды қажет етеді. Бүгінгі ғылыми әдебиеттерде жобалау – алда болуы тиіс нәрсенің ӛте қысқаша және ӛте нақты сипаттамасын жасау қызметі деп түсіндіріледі, бұл жерде ең маңызды нәрсе –бір нәрсенің болашақ сипаты туралы, оның қолжетімдігі туралы, мақсаттық-құндылықтық ұстанымның болуы. Басқаша айтқанда, адамның ойлау әрекетінің қалыпты шеңберінен шыға алуы – трансценденттенуі – ойлау қызметінің дамытушылық функциясы іске асырылады. Жобалаудың осы тұрғыдан алғанда тӛмендегі қызметтерін атап кӛрсетуге болады: −нәтижелік ӛнім ретінде белгілі бір жобаны орындаудың мақсатына сай нәтижелік кӛрсеткішін бере алады; − қоршаған ортаны не белгілі бір объектіні зерттеудің, немесе жаңартудың ғылыми-тәжірибелік әдісі бола алады; −технологиялық мәдениетке тән инновациялар тудырудың бір түрі ретінде қолданылады; − басқару әрекетінде ұйымды дамыту қызметін атқара алады. Жобалаудағы жүйелік тұрғы жаратылыстану ғылымының танымдық парадигмасынан пайда болды. Әлеуметтік тұрғыдан қарастыру жобалаудың адам қызметінің қазіргі заманға тән қақтығыстары мен белгісіздік жағдайындағы ситуацияларды шешуді кӛздейтін жобалаудың жаңа тұжырымдамасын жасауға негіз болды. Сонымен қатар, қоғамдық санадағы әлеуметтік кӛзқарастың болуы, әлеуметтік жоспарлаудың, әлеуметтік құрастырудың, әлеуметтік басқарудың негізіне адам әрекеттері алынып, оның барлық әлеуметтік қызметтердің объектісі болуына ықпал етті. Жобалау тарихы техникалық саладан бастау алатыны, басқа салаларға одан кейін кӛше бастағаны белгілі. В.М. Розин оның эмпирикалық сипатын анықтай отырып, жобалаудың «құрастыру» ісіне қатысты екенін, «бұйымды» алдын ала кескіндеу және оның нобайы мен детальдарын дәл есептеу арқылы жасалатынын атап ӛтеді. Ал құрастыру әрекетінің бірте-бірте жетілдірілуі мен дамуына орай, жоспарлау мен дәлдік есептеулерге қатысты семиотикалық және ойлау әрекеттері де күрделене бастады, бірақ алғашқы жобалау әрекеттерінің ерекшелігі олардың ішкі үрдістер сипатында болуы еді. Жобалаудың ӛз алдына бӛлек салаға айналуы оның үлгісін құрастырушылар мен бұйымды жасаушылардың әрекеттерінің бӛлінуінен басталды. В.М.Розин құрастыруды ӛзара байланысты тӛмендегі бӛліктерге:1) интеллектуалдық (семиотикалық) құрастыру (жобалаудың ӛзі), және 2) бұйымды жобаға сай жасау (жобаны жүзеге асыру) әрекеттеріне бӛліп қарастырды. Мысалы, педагогикада жобалау қызметінің «идеядан–соңғы нәтижеге дейінгі» толық циклі жобаны таңдау, құрастыру ғана емес, идея берушілер мен жобаны құрастырушылардың жобаны тәжірибеге ендіруге де тікелей араласатын болғандықтан, педагогикадағы жобалау қызметінің құрылымы күрделірек болады. Оны инновациялық жобалау тәжірибесінен айқын кӛруге болады. Жобалаудың ғылыми негізіне жоба, жобалау, жобалық, жобалаушылық сияқты ұғымнан туындайтын түсініктер алынады. Жобалау (орыс тілінде «проектирование», латынның projektus)–алға қарай тастау, алға жүру деген түсінікті береді. Оның мағынасы алдағы уақытта болатын құбылыстың бейнесін жасауға қатысты ғылыми және инженерлік әрекеттермен байланысты айқындалады. Адам еңбегіне қатысты ӛнімдердің барлығы да алдын ала жобалау арқылы жасалатын болғандықтан, осы тұрғыдан қарастыру жобалауды жоба құру үрдісі, яғни, белгілі бір объектінің болашақтағы бейнесін алдын ала құрастыру үрдісі дей аламыз. Жобалау қызметінің алғашқы кезеңдерінде жобаны ғылыми негізделген, дәл есептелген күйінде жасалатын, үнемі технологияда пайдалана беруге болатын белгілі бір нәрсенің нобайы деп түсіндірілген болатын. Одан кейінгі кездерде жобалаудың кең таралуына байланысты, оның ӛнімнің арзандауын қамтамасыз ететен экономикалық тиімділігі, халықтың кӛп бӛлігіне жеткілікті болатын әлеуметтік тиімділігі, ӛнім сапасы мен тұтынушылар мәдениетін кӛтеруді кӛздейтін мәдени тиімділігі күтілетін болды. Осылайша, тәжірибенің ӛзгермелілігі бүгінгі қоғамның атрибутына айналып, оны басқару мен ұйымдастырудың ӛзгермелі жағдайларына сай жобалау қызметі қалыптаса бастады. Жобалау ұғымын зерделеу үшін әлеуметтік жүйелердегі жобалау феноменіне терең назар аудару қажет. Феномен (гр.phainomenon) – таным мен тәжірибедегі ерекше құбылыс туралы философиялық ұғым. Әлеуметтік жүйелерде жобалау қызметінің кеңінен тарай басталғанына қарамастан, оның алатын орны ғылыми түрде бүгінгі күнге дейін жеткілікті дәрежеде негізделмеген деуге болады. Сонымен қатар, жобалау қызметіне қызығушылықтың ӛсуі оның баршаға түсініктілігінен немесе жеткілікті зерттелгендігінен емес, оның кӛпфункционалдық және кӛпқырлылық сипатынан дей аламыз. Жобалау феноменіне қатысты дәстүрлі ғылыми кӛзқарас, қазіргі заманның қайта жаңғыртуларды батыл да жедел жүргізу талаптарына сәйкес жүргізіліп жатқан тәжірибеге тікелей ықпал ете алмады, сондықтан жобалау әрекеті таза ғылымилық емес, тәжірибелік-бағдарлы ғылым контекстіне енгізілді. Осылайша, жобалау ғылымилықтың жаңа түрінің негізгі әдісі ретінде ұсынылды, оны кейбір авторлар тәжірибелік - бағдарлы ғылым деп атаса, әдіснамалық бағдарды ұстанушылар бағдарламалық жобалық ұғымын ендіру арқылы түсіндіреді. Тәжірибелік–бағдарлы ғылым ұғымын білдіретін термин ретінде М.А.Данилов бағдарламалық–жобалық тұрғыны енгізіп, оның қарастыратын пәнін белгіленетін, сипатталатын, қайта жаңғыртылатын практикалық әрекеттер жүйесі деп, мақсатын-белгілі бір жүйені және оның мазмұнын дамыту деп кӛрсеткен болатын. Бұл жерде әлеуметтік–мәдени құбылыстарды зерттеуде классикалық түрлермен қатар қолданылатын ғылымилықтың жаңа тұрпаты қалыптасып келе жатқаны туралы айтуға болады. Дәстүрлі сипаттағы тарихилық, дамытушылық және тәжірибедегі жаңартушылық принциптерімен бірге жобалау принципі білім берудегі кешенді проблемаларды ғылыми тұрғыдан талдаудың басты әдіснамалық міндеттерінің бірі болып қалыптасып келеді. жүктеу/скачать 1,04 Mb. Достарыңызбен бөлісу:
|