Оқулық Ә.Ә. Шортанбаев, С. В. Кожанова. Алматы, 2008. 2
инфекцияға қарсы иммунитет құруы
жүктеу/скачать 9,99 Mb. Pdf көрінісі
|
immunologia Shortanbaev (2)
| инфекцияға қарсы иммунитет құруы болып табылады.
Инфекцияға қарсы иммунитетте қорғаныстық әсер ету механизмi бойынша ерекшеленетiн антиденелердiң бiрнеше топтары болады: Бактериалдық токсиндердi бейтараптаушы антиденелер; Вирустың жасушаға жабысуына қарсы, вирусты бейтараптаушы антиденелер; Комплемент қатысуымен вирус жұқтырған жасушаға цитотоксикалық әсер көрсетуші антиденелер; Комплемент қатысуымен бактерияның жойылуын (лизиске ұшырау) шақырушы антиденелер; Қоздырғышты опсонизациялаушы және оның ферменттiк жүйесiн басушы антиденелер; Макрофагтарды опсонизациялаушы және фагоцитозды күшейтуші антиденелер; Еритiн антигенмен комплекс түзiп, комплементтiң активтенуiнiң есебiнен қан тамырларының өткiзгiштiгiнiң жоғарлауын шақырып және жедел қабыну белгiлерiнiң дамуына қатысушы антиденелер; Гельминттерге қарсы полиморфты ядролы лейкоциттердiң цитотоксикалық әсерiн күшейтуші антиденелер. В-лимфоциттердің шығуы мен дифференциялануы. В-лимфоциттер дифференциялануының негізгі кезеңдерi: 1. Сүйек кемегінің көп қабiлеттi бағаналы жасушалары (КҚБЖ) 2. ЛБК- лимфоциттердің бастаушы жасушалары (жалпы лимфопоэз бастаушысы) 44 3. Бастаушы В-лимфоциттер (б-В) 4. В 0 -лимфоциттер 5. В 1 -лимфоциттер 6. В 2 -лимфоциттер Сүйек кемегіндегі антигентәуелсіз дифференцияланудың кезеңдерi: КҚБЖ ЛБЖ – бастаушы-В-лимфоциттер В 0 Иммунитеттің шеткері мүшелерінің тимустәуелсіз аймақтарында өтетін антигентәуелді дифференцияланудың кезеңдерi: В 1 -лимфоциттер В 2 -лимфоциттер. В-лимфоциттердің бастаушысы, басқа қан жасушалары тәрізді, сүйек кемегінің көп қабiлеттi бағаналы жасушасына жатады. Барлық Т- және В- лимфоциттердiң жалпы бастауышы жартылай бағаналы жасушалы кезеңi арқылы бастаушы В-лимфоциттер пайда болады, олар кейiннен жетілмеген В 0 -лимфоциттерге айналады. Бұл дифференциялануы сүйек кемегінде бөгде антигенмен байланыспай тұрып өтеді. В 0 -лимфоциттер қан айналым арқылы көшіп, шеткері лимфоидты мүшелердің тимустәуелсіз аймақтарында қоныстанады. Сол жерде В- лимфоциттердің әрі қарай жетілуі мен дифференциялануы өтеді, сөйтіп организиге түскен антигендермен байланысу арқылы, олар иммунологиялық серпілістерге бейімділігін алады. жүктеу/скачать 9,99 Mb. Достарыңызбен бөлісу:
|