Оқулық Ә.Ә. Шортанбаев, С. В. Кожанова
жүктеу/скачать 10,03 Mb. Pdf көрінісі
|
| ИНТЕРЛЕЙКИН–10 (адамның хромосомаларының 1-жұбы). 1989
жылы Тх1 активтілігінің ингибиторы ретінде бейнеленген. Молекулалық салмағы 35 000 – 40 000 Д құрайды. Негізгі өндіруші жасушалары ретінде Тх2, сонымен қатар В-лимфоциттер, макрофаг/моноциттер (антигендер мен бактериалдық өнімдерімен қоздырылу нәтижесінде) және цитотоксикалық Т- жасушалары қызмет етеді. ИЛ-10 негізгі эффектісі ИЛ-2 мен IFN-γ өнімін төмендету арқылы Тх1 қалыптасуын және белсенділігін тежеу, Тх1 мен NK – жасушаларының цитокиндерінің өнімін басу (басқаша айтқанда, IFN-γ-ға қарама қайшы әсері бар, иммундық жауапты баяу жоғары сезімталдықтан гуморалдық жолға түсіреді) және макрофагтардың белсенділігін төмендетеді, сонын ішінде қабыну цитокиндерiнiң өнiмiн (ИЛ-1, 6, 8, МТФ, TNF-α және Тх1 дамуын шақыратын активтелген макрофагтармен өндірілетін ИЛ-12) тежейдi. Осыған байланысты ИЛ-10 негізгі қабынуға қарсы цитокин болып келеді. Әр түрлі індеттерден организмді қорғайтын Тх1 азаюы қоздырғыштардың көбеюіне алып келеді. Кейбір вирустарда (Эпштейн-Барр вирусы сияқты) ИЛ-10 аналогын негіздейтін тектері табылған. Сол себептен иммундық жауаптың белсенділігі төмендейді. Вирустық ИЛ-10 IFN-γ синтезін төмендетіп макрофагтардың белсенділігін басады. Басқаша айтқанда, ИЛ-10-ға ұқсас Эпштейн-Барр вирусының цитокины бұл вируспен зақымдалған жасушаларына қарсы Т-лимфоциттердің жауабын әлсіздендіреді, індеттің нысаналарын көбейтеді. ИЛ-10 МНС II-ші клас молекулаларының экспрессиясын, митогендермен қоздырылған Т- жасушаларының пролиферациясын және баяуланған жоғары сезімталдықтың дамуын тежейді. Сонымен қатар, ИЛ- 10 тимоциттердің көбеюіне қатысатын ИЛ-2 мен ИЛ-7 кофакторы ретінде, ИЛ-4 синергисті ретінде жұмыс атқарады, В- жасушаларының көбеюін күшейтеді, оларды апоптоздан қорғайды, IgМ мен IgA синтезін жоғарылатады. Қорытып айтқанда, ИЛ-10 иммундық жауаптың гуморалдық негіздерін дамытады, гельминттерге қарсы қорғаныс пен организмнің аллергиялық реактивтілігін қамтамасыз етеді. ИЛ-10 макрофагтар мен Тх1 активтілігін басатын Тх2 кейбір биологиялық эффектілерін 138 қамтамасыз ететін иммундық жауаптың маңызды реттегіші болып табылады. жүктеу/скачать 10,03 Mb. Достарыңызбен бөлісу:
|