Оқулық «гэотар-медиа»
жүктеу/скачать 12,15 Mb. Pdf көрінісі
|
Геппе каз
| 283
Функционалдық әдістер Функционалдық әдістер ұйқы безінің сөл және қышқыл түзуші қызметтерін (зондсыз және зондты әдістер, асқазан ішілік pH-метрия) зерттеуден тұрады. Ас қорыту жүйесі ағзаларының функционалдық жағдайын бағалауда қан сарысуының биохимиялық зерттеуі (билирубин, трансаминаза, жалпы ақуыз және ақуыз фракцияларын, қанның ұю факторларын, холестерин, жалпы липидтер және олардың фракцияларын, гликемиялық қисық сынағын құру және т.б.) маңызды орын алады. 284 Асқорыту ағзаларының зақымдалу семиотикасы Тәбет өзгерісі Тәбеттің төмендеуі асқорыту жүйесінің көптеген ауруларында, оның ішінде гастритте, ойық жарада, бауырдың созылмалы ауруларында, панкреатитте және т.б. пайда болады. Тәбеттің болмауы (анорексия) асқорыту жүйесінің патологиясында, психикалық бұзылыстар кезінде пайда болады, сондай-ақ дұрыс тамақтандырмау және тамақтанбау себебінен болу мүмкін. Таңдамалы тәбет (кейбір тағамдардан жеркену) кейбір тағамдар құрамын (ақуыз, майлар, көмірсулар) көтере алмауынан пайда болуы мүмкін. Мысалы, дисахаридтерді (лактоза, сахароза, фруктоза және т.б.) көтере алмағанда бала сүт тағамдарынан, жемістерден және тәтілерден бас тартады. Бауыр және өт шығару жүйесі зақымдалған науқастарда майлы тамаққа жеркеніш пайда болады. Ойық жара кезінде тәбеттің төмендеуі тамақ ішкен соң ауырсынудың күшеюінен пайда болатын қорқынышпен байланысты. Асқазанның қышқылдығы жоғарғы балалар әдетте ащы және тұзды тамақтардан бас тартады. Тәбеттің жоғарлауы (полифагия) бойының жедел өсу, жыныстық жетілу кезеңдеріндегі дені сау балаларда, тәбет төмендеуімен жүретін аурудан жазыла бастағанда, сондай-ақ созылмалы панкреатит немесе мальабсорбция синдромы (жіңішке ішекте астың сорылу бұзылысынан) бар науқастарда болуы мүмкін. Тәбеттің өте жоғарлығы (булимия) ҚД-мен ауыратын балаларда, ОЖЖ патологиясында, сондай-ақ глюкокортикоидтарды, анаболикалық стероидтарды және т.б. қабылдайтын балаларда пайда болады. жүктеу/скачать 12,15 Mb. Достарыңызбен бөлісу:
|