Оқулық «Білім беруді дамыту федералдық институты»
Екі жалаң әдіпті тілікті қалта
жүктеу/скачать 13,94 Mb. Pdf көрінісі
|
7d6a2d54b54db2ebe9d242e24bcc4fb8
- Бұл бет үшін навигация:
- Жапырақшалы үстіңгі тілікті төс қалта
| Екі жалаң әдіпті тілікті қалта
. Оны сырт материалдың қалыңдығы едәуір болған жағдайда дайындайды (3.6-сурет, б ). Әдіптің беткі жағын белгіленген сызықтар бойымен негізгі бөлшектің беткі жағына жапсырады да, негізгі бөлшекке қосып тігеді ( 2 , 3 -тігімдер). Негізгі бөлшекті тілгеннен кейін әдіптерді қосып тігу тігістерін айыра үтіктейді, әдіптерден 4 тігіммен бекітетін жиек қалыптайды. Шілтері алдын ала қосып тігілген қалта астарын астыңғы әдіпке қосып тігеді ( 5 -тігім), одан кейін шілтерді үстіңгі әдіпке қосып тігеді ( 6 -тігім). Соңында астардың бүйір қиықтарын сырып тігеді ( 7 -тігім). Жапырақшалы үстіңгі тілікті төс қалта . Ол көбінесе пиджактарда жиі кездеседі (3.6-сурет, в ). Негізгі бөлшекті тұтас қатырмалайды. Егер бар болса, қосымша бүйір іштік, бұйымның бұл бөлігінде атық қалыңдық тудырмас үшін, төс қалтаның астына тимеуі тиіс. Әдетте жапырақшаны жапырақша астарымен тұтас етіп пішеді, бірақ қалың негізгі материалды пайдаланған кезде жапырақша астарын астарлы матадан пішеді. Жапырақшаны қатырмалайды. Егер негізгі материалда сурет бар болса, суреттің жапырақша мен алдыңғы бойдағы бөліктерін бір-біріне сәйкестендіріп реттейді. Ол үшін сурет бөліктерін реттеу қосымшалары бар жапырақша пішімінің бөлшегін беткі жағын жоғары қаратып алдыңғы бойға жапсырады, бөлшектерде сурет бөліктерін сәйккестендіреді де, қалтаның белгісін алдыңғы бойдан жапырақша пішімінің бөлшегіне ауыстырады. Одан кейін материалдың артық жерлерін кесіп, оның бүйір жақтары бойынша 5...7 мм қосымшалар қалдырып, жапырақша пішімін дәлдейді. Жапырақшаны бүгілу сызығының бойымен беткі жағын ішке қаратып бүктейді және бүйір жақтарын ені 5...7 мм тігіспен жөрмейді ( 1 -тігім). Жөрмеу тігімдерінің ұзындығы дайын күйдегі жапырақшаның еніне тең. Тігім ұштарын бекітеді. Жөрмеу тігістерінің қосымшалары тігім ұштарына қарай кертеді. Жапырақшаны беткі жағына айналдырып, түзейді және баса үтіктейді. Белгі салуды, бастырма жапырақшалы қалта сияқты, негізгі бөлшектің беткі жағында және жапырақшаның астарында орындайды. Жапырақшаны белгі сызығының бойымен алдыңғы бойдың беткі жағына өң бетін қаратып жапсырады да, қосып тігеді ( 3 -тігім). Астарға алдын ала қосып тігілген шілтерді ( 2 -тігім) белгі сызығының бойымен беткі жағын негізгі бөлшектің беткі жағына қаратып қояды да, қосып тігеді ( 4 -тігім). Алдыңғы бойда қалта аузын тіледі. Жапырақша мен шілтерді қосып тігу тігістерін айыра 271 үтіктейді. Шілтерді қосып тігу тігісін айыра тігеді ( 5 -тігім). Жапырақша астарын негізгі бөлшек тігісінің қосымшасына қосып тігеді ( 6 -тігім). Тігімді жапырақшаны қосып тігу тігісіне барынша жақын етіп салады. Жапырақша астарына қалтаның үстіңгі астарын қосып тігеді ( 7 -тігім). Алдыңғы бойдың ішкі жағынан қалта тілігінің ұштарында бекітпелер қояды және қалта астарын сырып тігеді ( 8 -тігім). Соңғы кезекте жапырақшаның бүйір жақтарын алдыңғы бойға ирек 9 -тігіммен бастырып тігеді. жүктеу/скачать 13,94 Mb. Достарыңызбен бөлісу:
|