Стерилизациялық блок – құрал-жабдықтарды стерильдеуге арналған орын.
Субпротопласт (лат. sub - астында) – протопластың бөлігі, цитоплазмалық
мембранамен қоршалған, құрамында кейбір органоидтары бар.
Суперовуляция – қосымша фолликулалар өсіп-жетілуі мақсатында, донор
аналығына гормоналды əсер ету тəсілі
Суперовуляцияланған ооциттер – экзогормондармен əсер ету арқылы донор
аналығынан алынған ооциттер.
Суперовуляциялану деңгейі – гормоналды егілген аналықтың бір циклінен
алынатын қосымша овуляциялардың мөлшерін білдіретін көрсеткіш.
Т Тəжі тəрізді өсінді (ағ. crown gall) – қос жарнақты өсімдіктердің ісік ауруы,
жарақаттанған өсімдіктерде топырақ бактериясы
Agrobacterium tumefaciens инфекция əсерінен пайда болады.
Термостат – температураны бір қалыпта ұстап тұруға қажетті қондырғы.
Термостат –
инкубатор – гаметалар мен эмбриондарды өсіруге жəне
гаметалардың табысты ұрықтануына жағдай жасалынған арнайы қондырғы.
Тотипотенттік (лат. totus – барлығы, тұтас, potencia - күш) өсімдіктердің
денелік (сомалық) жасушаларының өсуге қабілеттілігін толық көрсете алуы, яғни
ядродағы генетикалық информация негізінде организм түзу мүмкіндігінің іске
асырылуы.
Трансгенді хайуандар – ағзасына жат текті ДНҚ ендірілген тірі жан иелері.
Транскрипция – информациялық РНҚ-ның РНҚ тізбегінде түзілу үдерісі.
Трансляция – информациялық РНҚ молекуласындағы тізбектелген
триплеттер негіздерінің полипептидтік тізбектегі амин қышқылдар қатарына
аударылу механизмі. Трансляция үдерісінің болуы нəтижесінде ақуыздардың
синтезі жүреді. Трансляция кезінде амин қышқылдары полипептидтік байланыс
жасап, полипептид түзіледі.
