Секілді өмір қЫСҚА, жарты тұтам (Өлеңдер жинағы)

Отырдым, көрсем жекіп тастар ма деп,
Шал айтты: "Көріңіздер, жасқанба" деп,
Кесені қолыма алып қарай бердім:
Ішінде нақақ көзден жас бар ма деп.
1914

ПАРТИЯШЫҒА
Бай едің өз алдыңа шаруа баққан,
Шалықтап, шалқып сөйлеп, шалқақ қаққан.
Ойладың осы малдың арқасында
Мен-дағы атансам деп бір жез таққан.
Сол сағат келді саған мың пұт есек,
Ал жауды үсті-үстіне кесек-кесек!
Жайлықта жеркенетін жексұр шалды
Амалсыз қабыл алдың көрпе төсеп.
Келгендер бəрі бірдей мақтай келді,
Мал-жанын салмақшы боп жақтай келді.
Қымыз ішіп, етіңді жеп болғанша,
Іш пікірін ішіне сақтай келді.
Сөзге нанып "ел бəрі мендік" дедің,
"Бəлемді аузына ұрып жеңдік" дедің,
Біреуі ат сұрады, біреуі ақша,
Бəрін бердің: "Бір жолға көндік" дедің.
1914

ТУҒАН ЕЛІМЕ
Үміт қып менен қарайсың,
Көңіліңе медеу санайсың.
Балалыққа жарасам,
Аталыққа жарайсың.
Қайтейін, елім, қимаймын?!
Қия алмай жанды қинаймын.
Қимай қалсам ішіңде,
Тағы тыншып сыймаймын.
Алты қырдан ассам да,
Сөздеріңді сыйлаймын.
Тек қалауым сіздерден,
"Серіктікті" милаймын;
Сіздерге əкеп шашуға
Ілім-білім жинаймын.
1914

ДОСТЫМА
Бұлтты кетір ойыңнан,
Жазды шығар бойыңнан.
Ақылың болса айныма,
Өз жасаған тойыңнан.
Бəрі қызық мереке,
Ашуланба, Ереке.
Өз қақпаңды аштың деп,
Кім қылады келеке?
Кімде жазық ойласаң,
Өкпелеймін қоймасаң!
Баяғы түрге бір келіп,
Мен разы, ойнасаң.
Қапаға жоқ тіпті жөн,
Ақылың болса сөзге көн.
1914

жүктеу/скачать 0,49 Mb.

Достарыңызбен бөлісу: